Rules Secon Time 11:15 - Hawaii Pidgin Bible

¹⁵ I goin give grass inside da fields fo yoa animals, an you guys goin eat an come full.

Rules Secon Time 11:15 ပူးပေါင်းရင်းမြစ်များ

1 Kings 18:5

Ahab tell Obadiah, “Go all ova da land. Check out all da pukas dat get watta come outa da groun, an all da valleys dat get stream wit watta. Maybe can find some grass fo da horse an mule fo dem stay alive an us no need kill any a da animals.”

Songs 104:14

God da one make da grass come up Fo da cows, An plants fo da peopo farm um Fo dem make food Come outa da groun.

Jeremiah 14:5

Even da muddah wild deer Go way from da bebe she jus wen born Cuz no mo grass dea.

Joel 1:18

Da cows moan, Dey donno wea dey stay going, Cuz dey no mo grass. Even da sheeps stay suffa.

Joel 2:19

Da One In Charge goin ansa his peopo lidis: “Lissen up! I goin sen wheat an barley, new wine, an olive oil fo you guys, Enuff fo you guys come full. I no goin let da odda peopos talk bad bout you guys no moa.

Joel 2:22

Da wild animals no need come sked, Cuz da fields inside da boonies stay come green. Da trees stay make dea fruit, Da fig tree an da grape plant give plenny good kine fruits.

Joel 2:26

Now you guys goin get plenny food fo eat. You guys goin come full. You guys goin talk good bout yoa God, Da One In Charge. He wen do plenny good kine stuff fo you guys. You guys my peopo, an you no goin lose face one mo time.

Prieses 26:5

You guys goin stay shake da barley an wheat from da junk kine stuffs till time fo harves grape. An den da grape plants goin give fruit, till time fo plant seed one mo time. You guys goin eat all da food you like, an you goin stay shua you no need worry notting inside yoa land.

Haggai 1:6

You guys plant plenny, but you ony harves litto bit food. You guys eat, but no mo enuff fo fill you guys up. You guys drink, but no enuff fo make somebody come piloot. An den you guys put on clotheses, but you no come warm. Whoeva work fo get money, dey put da money inside one money bag wit pukas!”

Rules Secon Time 6:11

Get plenny house dea wit all kine good tings you guys neva put dea, an big holes fo hold watta dat stay dea awready, an grape fields an plenny olive trees you guys neva plant. Wen you guys eat dat, an feel good inside,

Rules Secon Time 8:10

“Wen you guys eat all you like an feel good, den talk good bout oua God, Da One In Charge, cuz a da good land he stay give you guys.