Rules Secon Time 10:18 - Hawaii Pidgin Bible

¹⁸ He back up da kids dat no mo faddah o muddah, an da wahines dat no mo husban. He get love an aloha fo peopo from anodda place, an give um food an clotheses.

Rules Secon Time 10:18 ပူးပေါင်းရင်းမြစ်များ

2 Records 19:7

Dat mean, you guys betta be plenny sked a Da One In Charge. Take kea how you judge. Cuz oua God, dass Da One In Charge a us, he no judge da wrong way, he no make mo good fo one guy den fo anodda guy, an he no take unda da table kine money.”

Songs 10:18

Wen da peopo dat no mo muddah an faddah yell fo help, An da peopo dat da oddas make any kine to, You goin stan up fo dem. You goin make lidis Fo da bad guys in da world No make nobody sked no moa!

Songs 103:6

Wat Da One In Charge do Erytime stay right. Wen somebody take away Da rights from odda peopo, God, he da judge Dat know da right ting fo do.

Songs 145:9

Da One In Charge, he do good tings Fo erybody! He show love an pity Fo eryting he wen make!

Songs 146:9

Da One In Charge, he da One Dat take kea da foreign peopo Dat live wit us guys. He come fo help da kids Dat no mo muddah an faddahs An da widow wahines. But fo da peopo Dat stay do bad kine stuff, Da One In Charge jam up Da way dey like go.

Songs 68:5

God live inside da place Dat stay spesho fo him. He jalike one faddah guy Fo da kids dat no mo faddah, An jalike one judge Dat take kea da widows.

Songs 68:6

God da one dat give one ohana To da peopo dat no mo ohana. Wen he let da prisona guys Go outa prison, He make shua dey come out solid. Ony da peopo dat go agains God Goin live Inside one hot an dry land Wea no mo notting.

Outa Egypt 22:20

Anybody go make one sacrifice to anodda god dass not Da One In Charge, gotta wipe um out.

Outa Egypt 22:21

Wen get one guy come from anodda place dat live wit you guys, no make any kine to him, an no give him hard time. Cuz you know, da time you guys wen live Egypt side, you was from anodda place too.

Outa Egypt 22:22

Wen get one widow, o one kid dat no mo faddah o muddah guys, no make to dem jalike dey notting.

Outa Egypt 22:23

Cuz if you make to dem jalike dey notting, an dey yell to me fo help, me Da One In Charge goin lissen dem real fas.

Isaiah 1:17

Learn how fo do wass good. Go all out fo do wass right. Kokua da peopo dat need help Fo da bad tings da bad guys do to dem. Da kids dat no mo faddah o muddah, help dem. Talk in court fo help da widow wahines.”

Jeremiah 49:11

No goin get nobody from da Esau ohana dat can tell, ‘Az okay fo leave yoa kids hea dat no mo faddah o muddah, Cuz I goin make shua dey stay alive. Same ting fo da widows, Dey can trus me.’ ”

Hosea 14:3

Da Assyria peopo no can get us guys outa trouble. We no goin ride war horses fo fight. We no goin tell no mo Dat da tings us guys wen make, dey oua gods. Cuz you da ony One dat show love an pity Fo da kids dat no mo faddah o muddah!’ ”

Prieses 25:35

“If get Jew guys dat no mo notting, an no can work, help dem jalike you help one guy from anodda place o one guy dat live nea you fo one short time. Den okay fo dem live wit you guys.

Census 10:32

If you come wit us, we goin share wit you all da good kine stuff Da One In Charge goin give us.”

Matthew 5:45

Wen you do dat, you goin show fo real kine dat you da kine kids dat come from yoa Faddah dat stay in da sky. He make da sun come up fo da bad guys an da good guys. An he sen rain fo da guys dat do da right tings, an fo da guys dat no do da right tings.

Jesus Guys 14:17

But he show dem who him cuz he do good stuff fo dem. He give you guys rain from da sky an plenny fruit fo harves time. He give you guys plenny food fo eat an make you guys come real good inside.’ ”

Rules Secon Time 27:19

“Da Levi guys goin tell dem: ‘God goin punish whoeva no make right in front da judge to one guy from some odda place, one kid dat no mo faddah o muddah, o one wahine dat no mo husban.’ “All da peopo goin tell: ‘Az right!’