Rules Secon Time 10:15 - Hawaii Pidgin Bible

¹⁵ But still yet, Da One In Charge wen like yoa ancesta guys, an get love an aloha fo dem. An he pick you guys dat come from dem! He neva pick any odda peopos. An dass how stay today.

Rules Secon Time 10:15 ပူးပေါင်းရင်းမြစ်များ

1 Records 16:13

All you peopo dat come from Israel Dat was one worka guy fo Da One In Charge, Dass all you guys dat get Jacob fo yoa ancesta, An Da One In Charge wen pick you guys.

Songs 135:4

Cuz Da One In Charge wen pick Oua ancesta guy Jacob Fo come his spesho boy, Da same Jacob guy Dat Da One In Charge wen give Da name Israel, Da One In Charge pick him Fo be his guy.

Songs 44:3

Oua ancesta guys Wen take ova dis land, But no was cuz dey good wit swords O mo strong. Da main ting dat wen help dem fo win, Was cuz you stay strong. Cuz you like dem, An you like do good tings fo dem.

Amos 3:2

He tell: “You guys, you da ony peopo dat I wen pick, From all da ohanas dat get all ova da world! Az why, you da peopo dat I goin punish Fo all da bad kine stuff you stay do.”

Census 14:8

If Da One In Charge stay good inside bout us guys, he goin take us inside dat land, wea ery place get plenny milk an honey, an he goin give um to us guys.

Rome 11:28

So, fo da Jew guys dat tell “Laytas” to da Good Kine Stuff From God, dey stay agains God. Cuz dey make lidat, dat give you guys chance! God still get love an aloha fo dem, cuz he wen love dea ancesta guys an pick dem fo come his peopo.

Rules Secon Time 4:37

He get plenny love an aloha fo yoa ancesta guys, an he pick da kids afta dem too. Az why he wen stay wit you guys an go fo broke fo bring you guys outa Egypt.

1 Peter 2:9

But you guys da one God wen pick. You da pries guys fo da King. You guys da peopo dat stay spesho fo God. God tell, “Dey mines!” bout you guys, fo you guys tell erybody all da good stuff God wen do. He tell you guys fo come outa da bad kine stuff an stick wit da good kine stuff he like us fo do. Jalike you wen go outa da dark an come inside da awesome light.