Rules Secon Time 1:33 - Hawaii Pidgin Bible

³³ Da One In Charge wen go in front you guys inside one fire nite time, an inside one cloud day time. He even look fo you one place wea you guys can make camp nite time! Az how he show you guys wea fo go.

Rules Secon Time 1:33 ပူးပေါင်းရင်းမြစ်များ

Nehemiah 9:12

Day time, had one cloud dat go from da groun to da sky, Fo show da peopo wea fo go. Nite time, had fire dat go from da groun to da sky, Fo give um light fo see dea way, wea dey stay go.”

Songs 105:39

God wen spread out one cloud Fo cova dem, day time, An he give um one fire fo shine light, Nite time.

Songs 77:20

You wen show yoa peopo wea fo go Jalike one sheep guy. You wen use Moses an Aaron Fo do all dat.

Songs 78:14

Day time, God wen use one cloud Fo show da peopo wea fo go, Nite time, he wen use da light From one fire dat go up to da sky Fo show um da way.

Outa Egypt 14:24

Early morning time, befo get light, Da One In Charge look down outa da fire an da cloud dat go up inside da sky. He check out da Egypt army guys camp. He make all da Egypt army guys come so dey donno wat dey stay do o wea dey stay go.

Jeremiah 31:2

Den Da One In Charge tell dis: “Da peopo dat still stay alive Moses time Afta da Egypt guys try fo kill dem, I wen make dem spesho kine Wen dey stay inside da boonies, An wen dey go from dea fo res inside dea land.”

Ezekiel 20:6

Dat day I make one strong promise to dem: ‘I goin bring you guys outa Egypt fo go one land I wen pick fo you. Az one land dat get plenny milk an honey, da mos beautiful land from all da odda lands.’

Zekariah 2:5

But me, I da One goin be jalike one fire all aroun da town, jalike one wall! Wen I stay inside da town, goin be awesome!’ ” Dass wat Da One In Charge tell.

Census 10:33

So dey all leave da mountain wea Da One In Charge stay, an go fo three day. Fo dose three days, da Box Fo No Foget Da Deal Wit Da One In Charge, dat da pries guys stay carry, go in front dem fo show dem wea fo res.

Census 14:14

den dey goin tell da peopo inside da Canaan land bout um. Dose peopo awready hear bout you, Da One In Charge. Dey hear you stay with dese Israel peopo. Dey hear dat da Israel peopo can see you, Da One In Charge, erytime yoa cloud stay ova dem, an wen you go in front dem inside one cloud dat go from da groun to da sky day time, an nite time one fire dat go from da groun to da sky.