Rules Secon Time 1:26 - Hawaii Pidgin Bible

²⁶ “But you guys, you neva like go dea. You guys wen go agains wat yoa God, Da One In Charge, tell you guys fo do.

Rules Secon Time 1:26 ပူးပေါင်းရင်းမြစ်များ

Nehemiah 9:16

“But dey oua ancesta guys, Dey ack jalike dey get da right Fo make any kine to God. Dey come hard head, an no lissen Wat God tell um fo do.

Isaiah 63:10

But his peopo, still yet dey go agains him, An make his Good An Spesho Spirit stay sad inside. So he tell ‘Laytas’ to dem. An he fight dem.

Census 14:9

But eh! No go agains Da One In Charge! An no sked da peopo inside da land, you guys! Cuz us guys goin win ova dem. Da One In Charge take away da shadow dat proteck dem awready, but he stay wit us guys. No sked dem!”

Jesus Guys 7:51

Den Stephen tell, “You guys real hard head! You no like go all out fo God! You no like lissen him! You make jalike yoa ancesta guys! You erytime like beef da Good An Spesho Spirit!

Rules Secon Time 1:25

Dey take some a da stuff dat grow ova dea, an bring um back by us. Dey tell us, ‘Az good, da land dat oua God, dass Da One In Charge a us, goin give us.’

Rules Secon Time 1:43

“So I tell you guys, but you guys no like lissen. You guys go agains wat Da One In Charge tell you. You guys make tantaran an you go up inside da hills.

Rules Secon Time 9:23

“An laytas, wen Da One In Charge wen sen you guys fo go out from Kadesh-Barnea, he tell, ‘Go! Take ova da land I wen give you guys awready!’ But you guys, you no like do wat oua God, Da One In Charge, wen tell you fo do. You no trus him o lissen wat he tell.