Rules Secon Time 1:16 - Hawaii Pidgin Bible

¹⁶ Dat time, I wen tell yoa local leada guys wat dey gotta do: Dey gotta lissen good wat da peopo tell wen dey make argue wit each odda, an do wass right fo dem, no matta dey make argue wit anodda Israel guy, o wit somebody dass not one Israel guy.

Rules Secon Time 1:16 ပူးပေါင်းရင်းမြစ်များ

Start 18:25

No can be dat you goin wipe um all out, da way you wen tell! If you kill da peopo dat do da right ting, same time you kill da bad peopo, den dat mean you tink dey not diffren, da peopo dat do da right ting an da bad peopo! No can be! You da Judge fo all da peopo inside da world. So den, you gotta make diffren kine to da good peopo an to da bad peopo!”

2 Samuel 23:3

Da God fo da Israel peopo, he talk. Him, jalike one big cliff wea da Israel peopo can hide. “He tell me: ‘Anybody dat lead da peopo an do wass right, An lead um cuz he get choke respeck fo God,

Songs 58:1

Eh you leada guys! Az true, o wat?! Wen you tell wat peopo gotta do, You suppose to tell um wass right. But you no do dat! Wen you judge da peopo, You suppose to make Same kine to erybody, But still yet you guys make Diffren kine to diffren peopo!

Outa Egypt 22:21

Wen get one guy come from anodda place dat live wit you guys, no make any kine to him, an no give him hard time. Cuz you know, da time you guys wen live Egypt side, you was from anodda place too.

Smart Guys 31:9

‘Open yoa mout an judge da right way. Make shua da peopo dat no mo notting An da ones dat stay suffa get dea rights.’ ”

Prieses 19:15

“Wen you guys judge peopo, make shua you do um da right way an make um even. No make diffren kine to da guys dat no mo notting an da guys dat stay rich. Make fair fair to erybody wen you judge odda peopo.

Prieses 24:22

Az how goin be fo da guys from anodda place dat live wit you guys, an fo da Israel guys too. I yoa God, Da One In Charge.”

Census 27:19

Tell him fo go stan in front Eleazar da pries guy, an all da peopo, an give him his kuleana in front dem.

John 7:24

No ack jalike one judge wen you guys can see ony da outside stuff. If you guys goin ack jalike one judge, gotta judge da right way.”

Rules Secon Time 1:15

“Den I take da leada guys from yoa ohanas, guys dat know wat fo do erytime an you guys get respeck fo dem. I make dem stay in charge a you guys. Some a dem stay in charge a one tousan peopo, some in charge a one hundred peopo, some in charge a fifty, an some in charge a ten. Dey da main guys fo all da twelve ohanas.

Rules Secon Time 24:14

If one guy work fo you an he no mo notting, an need stuff, no make him wait fo you pay him. No matta he one Israel guy, o he not one Israel guy, but he live inside yoa town,

Rules Secon Time 25:1

Wen da Israel peopo make argue wit each odda, dey gotta bring um to da judge. Da judge goin tell wat guy do wass right an wat guy get da blame cuz he wen do wass wrong.

Rules Secon Time 27:11

Dat same day Moses tell da peopo:

Rules Secon Time 31:14

Da One In Charge tell Moses, “Now, da time stay nea wen you goin mahke. Call Joshua an go stan togedda inside da Tent Fo Come Togedda Wit Me. I goin make him da one in charge a da Israel peopo from now.” So Moses an Joshua go Da Tent Fo Come Togedda Wit Da One In Charge.

1 Tessalonika 2:11

We wen treat erybody jalike one faddah treat his kids.

1 Timoty 5:21

In front God, Jesus Christ, an da angel guys God wen pick, I tell you dis: Do all dis tings. No ony make some peopo do um an same time let odda peopo no do um.

1 Timoty 6:17

Tell da peopo dat get plenny money hea inside dis world fo no ack high makamaka, an fo no trus all da rich kine stuff dey get. Dey donno how much time all dat rich kine stuff goin stay. Mo betta dey trus God. He give us eryting fo make us stay good inside plenny.