Rome 9:20 - Hawaii Pidgin Bible

²⁰ Eh, how come you talk back lidat to God, braddah? Who you tink you? Jalike da Bible tell befo time: “If get one guy dat make someting, dat ting no can tell da guy, ‘Eh! How come you wen make me lidis?’ ”

Rome 9:20 ပူးပေါင်းရင်းမြစ်များ

2 Samuel 16:10

But da king tell, “Dis my kuleana! Dis not bout you guys, my nephews, Zeruiah boys. Who you fo tell um fo stop?! If he stay yell fo put kahuna on top me cuz Da One In Charge tell him fo do dat, den who can tell Da One In Charge, ‘How come you make lidis?!’ ”

Job 16:3

You guys all mout! You guys sick, o wat?! Cuz you no stop argue!

Job 33:13

How come you squawk to him? Cuz he no ansa nobody dat argue wit him!

Job 36:23

No mo nobody tell God how he gotta live. No mo nobody can tell him ‘Wat you wen do, az wrong!’

Job 40:2

“Eh you! Da guy dat make argue wit me! Me, Da God Dat Get All Da Powa! You stay tell me I wrong, o wat?! You da one dat poin finga me! I like you ansa me!”

Job 40:5

I wen tell someting ony one time— Two time, some time. But da secon time I tell ony da same ting.”

Job 40:8

“You tink az fo real dat I no judge da right way, o wat? You goin tell I get da blame fo you show proof you right?

Job 9:32

“God not one guy jalike me. No ways I can make argue wit him! Me an him no can stan agains each odda in front one judge.

Isaiah 10:15

You tink da ax mo betta den da guy dat swing um? Da saw mo betta den da guy dat use um? You tink da club goin lif da guy dat carry um? Da stick fo walk goin lif somebody dat use um? No way!

Isaiah 29:16

You guys make eryting all kapakahi! You tink da guy dat make clay pots He jalike da clay? You tink da ting somebody make Goin tell bout da guy dat make um, “Eh! He neva make me!”? You tink da pot goin tell bout da guy dat make um, “Eh! He donno notting!”?

Isaiah 64:8

Still yet, Da One In Charge, you oua Faddah. Us, jalike da clay. You, da guy dat make us guys come jalike clay pots. All us guys, you wen make us.

Jeremiah 18:6

“You Israel peopo, how come you guys tink I no can make wit you guys jalike dis guy make wit da clay pot?! Fo me, you guys jalike da clay dis guy use fo make clay pots wit his hands.

Daniel 4:35

All da peopo inside da world, God see um, jalike dey notting. He do wateva he like do Wit da armies from inside da sky, An da peopo inside da world. No mo nobody can hold him back O aks him how come he do dat.

Micah 6:8

Den Micah tell: “No need! Da One In Charge tell you awready Wass good fo you do, An how he like you fo ack. You gotta do wass right, An stay tight wit God ery day, An come las, not firs, wit God.”

Matthew 20:15

I do wat I like wit da money I get, you know. You jealous cuz I mo good to dem, o wat?’ ”

Luke 12:14

Jesus tell, “Eh, who wen give me da right fo judge dat, o fo half half da stuff an give you yoa share an yoa braddah his share?”

Rome 14:4

Eh, wat make you tink you get da right fo tell dat da odda worka guy stay wrong? He no work fo you! Somebody else stay in charge a him. His boss da ony one dat can tell um fo real kine if he stay okay o if he stay jam up. But you know wat? Dat guy goin come pono, cuz Da One In Charge a him stay real strong fo make dat guy come pono, az why.

Rome 2:1

So den, no matta who you, if you poin finga somebody dat do bad kine stuff, no foget you do da same kine tings jalike him. Eh, you too no mo excuse cuz you poin finga you.

Rome 2:3

So, wat you tink? Wen you poin finga da odda guys cuz dey stay do bad kine stuff, an you stay do da same ting, you tink God goin let you go? No ways!

Rome 9:21

Da guy dat make pots, he get da right fo use da clay fo make spesho kine pots. O if he like, he use da same clay fo make pots fo put junk kine stuff inside.

Rome 9:22

Same ting wit God. He like show erybody dat he had it wit da stuff da peopo like do. He like make shua erybody know he get plenny powa. Fo show dat, fo one long time he take any kine stuff da peopo do—da kine stuff he no like take. But dose peopo dat make lidat, fo shua dey goin get wipe out bumbye.

1 Corint 1:20

So wat den? Wat goin happen to da smart guys? An to da teacha guys dat teach da Rules? An to da guys dat nowdays can talk good an make you tink anodda way? Eh! God make all dem guys look stupid! All da smart guys in dis world tink dey know wat fo do, but God make all dat come jalike notting!

1 Corint 7:16

But you sistah, if you one Christian wahine, maybe you can help yoa husban get outa da bad kine stuff. An you brah, if you one Christian guy, maybe you can help yoa wife get outa da bad kine stuff.

1 Timoty 6:5

Dey erytime make argue wit da kine guys dat get pilau kine mind. Dey donno wass true no moa. Dey ony like do stuff fo God if dey tink dat goin make um come rich.

2 Timoty 2:20

You know, inside one big house get all kine bowls an plates. Some, dey make um wit gold an silva fo spesho time. Get some odda bowls an plates dey make wit wood an clay fo use um fo junk kine stuff.

Titus 2:9

Da slave guys inside da church, tell um dey gotta do eryting dea boss tell um fo do an no talk back, fo make dea boss feel good inside.

James 2:20

Wot! You pupule o wat?! If you trus God, but den, you no do good tings, az no good. You tink I gotta show proof a dat, o wat?