Rome 9:14 - Hawaii Pidgin Bible

¹⁴ So wat den? You tink God not fair? No ways!

Rome 9:14 ပူးပေါင်းရင်းမြစ်များ

Start 18:25

No can be dat you goin wipe um all out, da way you wen tell! If you kill da peopo dat do da right ting, same time you kill da bad peopo, den dat mean you tink dey not diffren, da peopo dat do da right ting an da bad peopo! No can be! You da Judge fo all da peopo inside da world. So den, you gotta make diffren kine to da good peopo an to da bad peopo!”

2 Records 19:7

Dat mean, you guys betta be plenny sked a Da One In Charge. Take kea how you judge. Cuz oua God, dass Da One In Charge a us, he no judge da wrong way, he no make mo good fo one guy den fo anodda guy, an he no take unda da table kine money.”

Job 35:2

“Eh Job! You tink az right, Fo you tink you mo right den God?

Job 8:3

You tink Da God Dat Get All Da Powa, jam up how he judge peopo, Fo him judge um crooked kine, o wat? You tink he make wass right, come wrong?! No ways!

Songs 145:17

Da One In Charge, eryting he do, He do wass right. An no matta wat he do, He stay tight wit eryting he make.

Songs 92:15

Dey tell, “Da One In Charge Stay do da right ting erytime. He jalike one big rock fo me, Cuz he take kea me. He ony stay good, No mo notting bad in him!”

Jeremiah 12:1

“You, Da One In Charge. You erytime judge da right way Weneva I tell you I get one problem. Still yet, I like talk to you Bout how you tink wass right an wass wrong. How come da bad kine guys come out okay erytime, aah?! How come all da peopo dat you no can trus live one easy kine life?!

Luke 20:16

Fo shua he goin come wipe um out, an rent da grape farm to odda guys.” Wen da peopo hear dat, dey tell, “Nah! Fo shua no goin happen lidat!”

Rome 2:11

God make same same to erybody.

Rome 2:5

But you get hard head. An you no like change wat you do. So, you stay make tings mo worse fo you. Bumbye God da Judge goin tell who wen do bad kine stuff, an erybody goin know dat God judge da right way. Den he goin punish you cuz he had it wit wat you do.

Rome 3:1

So den, how come mo betta fo be one Jew guy? You tink da Jew guy dat get da cut skin mark stay mo spesho den da guy dass not Jew?

Rome 9:30

So wat den? Wat dis mean? Get all kine peopos from diffren place dass not Jew guys. Dey neva try fo get um right wit God befo time. Now, dey get um right wit him cuz dey trus um.

Rules Secon Time 32:4

God, he jalike one big stone. Wateva he do erytime stay perfeck. Eryting he do stay right. He da God dat do wat he tell he goin do. He no do notting wrong. He ony do tings dass good an right.

Jesus Show 16:7

Den I hear one voice from da altar tell, “Az right! You Da One In Charge, Da God Dat Get All Da Powa. You da Judge. An eryting you do, you do um right An tell da trut.”