Rome 7:15 - Hawaii Pidgin Bible

¹⁵ I donno wat I stay do. Cuz I like do wass right, but I no can do um. I ony do wat I no like fo do!

Rome 7:15 ပူးပေါင်းရင်းမြစ်များ

1 Kings 8:46

“Bumbye, dis peopo Goin go do bad kine stuff An go agains you. Cuz no mo nobody Dat no do bad kine stuff! Den you goin come huhu wit dem, An let da peopo dat stay agains dem Take da peopo An make dem prisonas An take um away to dea land, O maybe nea yoa land, o maybe far away.

Songs 1:6

Cuz Da peopo dat stay right Wit Da One In Charge, He know wat dey stay do. But Bummahs fo da peopo Dat broke his Rules!

Songs 101:3

I no goin even look At good fo notting kine stuff. I hate peopo dat make Crooked kine deals. I no goin do notting lidat!

Songs 119:104

Da tings you tell me I gotta do Help me fo undastan all kine stuff. Dass why piss me off Da way some peopo bulai odda peopo.

Songs 119:113

I hate da kine peopo Dat no can make up dea mind! But I get love an aloha Fo wat you teach.

Songs 119:128

Dass why all da tings you tell I gotta do, I know fo shua, dey right. An I hate wat peopo do Wen dey bulai odda peopo.

Songs 119:163

Weneva peopo bulai somebody, I hate dat, an bodda me plenny. But I get love an aloha Fo da Rules you teach.

Songs 119:32

Weneva you tell me fo do someting, I goin run fo go do um, Cuz you help me fo undastan stuff Mo betta erytime!

Songs 119:40

Fo shua, I like do Da tings you tell me fo do. Help me live da kine life dass fo real, Cuz you erytime do da right ting.

Songs 19:12

How I goin undastan all da bad kine stuff I do Dat I donno I do? Eh God! No punish me fo dat! Let me go!

Songs 36:4

Even wen dey on top dea bed, Dey plan fo how dey goin do Bad tings to somebody. Dey stay go da way dass no good, Cuz dey hard head. Dey make up dea mind Fo do bad kine stuff.

Songs 65:3

Wen peopo do bad kine tings Dat make me come bum out, Still yet, you hemo da shame Us get from go agains you.

Songs 97:10

You guys dat get love an aloha Fo Da One In Charge, Good, you stay hate Da bad tings peopo do, Cuz Da One In Charge take kea Da ones dat stay tight wit him. He get um outa trouble Wen da bad guys come afta dem.

Smart Guys 13:5

Da peopo dat do da right ting all da time, Dey no like tell da kine bulai words fo cheat peopo. Da bad kine peopo, shame how dey ack An wat dey do.

Smart Guys 8:13

(You know, if you sked wen you go In front Da One In Charge Cuz he so awesome, Dat mean, wen somebody do bad kine stuff, you no like dat.) Wen peopo get big head, O wen dey come high makamaka, O wen da way peopo live, dey ony like ack bad, O wen dey tell stuff fo try trick you, I no like dat too.

Teacha 7:20

Get peopo all ova da world Dat do wat da Rules From God tell um fo do, But no mo even one a dem dat do wass right erytime, An no do notting bad eva.

Amos 5:15

Go all out fo hate da bad kine stuff An get love an aloha fo da good kine stuff. Make shua you pick da judges dat goin tell wass right. Den, maybe Da One In Charge, da God Ova All Da Armies, Bumbye give chance to da litto bit peopo Dat stay alive still yet From yoa Israel ohana.”

Nahum 1:7

Da One In Charge, he good! He jalike one place fo hide wen get trouble. He take kea da peopo dat trus him.

Luke 11:48

So you show you figga dass good, wat yoa ancesta guys wen do. Dey wen kill da guys dat talk fo God, an you guys make dea tombs!

John 15:15

I no goin call you guys my worka guys no moa, cuz da worka guy no undastan wat his boss stay do. But I call you guys my frenz, cuz I wen tell you guys eryting dat my Faddah wen tell me.

Rome 12:9

Wen you show peopo love an aloha, do um fo real kine, no ack. Hate all da bad kine stuff, an stay tight wit da good kine stuff.

Rome 14:22

So wateva you tink bout da stuffs I jus wen talk bout, az fo you an God figga out wass good. You stay good inside, an no feel bad cuz you no tink you stay do someting wrong.

Rome 7:16

If I do da tings I no like fo do, den I know fo shua da Rules stay good.

Galatia 5:17

Cuz God Spirit tell “Laytas” to da kine stuff yoa body tell you fo do, an da body tell “Laytas” to da kine stuff God Spirit like you fo do. Dey stay agains each odda. Az why you guys no can do da kine stuff you like fo do.

2 Timoty 2:19

But you know wat? Da stuff God stay do stay solid, jalike one building dat get one solid foundation undaneat an no can move, aah? An on top dat foundation, get one sign dat tell two tings. One side tell, “Da One In Charge, he know all his peopo!” An da odda side tell, “Whoevas tell, ‘I stay tight wit Da One In Charge a me,’ Dey betta not do someting dat not pono!”

Hebrews 1:9

You stay plenny good inside wen peopo do da right ting, An wen peopo broke da Rules, you had it wit dat. Az why you da one I wen pick from all da guys dat stay by you. Az why I put olive oil on top yoa head fo show dat you da King, An dat you feel mo betta inside Den anybody!”

James 3:2

All us guys, we all jam up plenny. But if get one guy dat no jam up eva wen he talk, dat guy stay all grown up inside, an he know how fo take charge a da way he live an no do bad kine stuff.

Jude 1:23

You guys gotta give da odda guys chance so dey no come wipe out, jalike you hemo someting outa da fire so no burn up. But watch out you no do pilau kine stuff jalike dey wen do.