Rome 6:18 - Hawaii Pidgin Bible

¹⁸ God let you guys go, az why you no need do bad kine stuff no moa. Now you guys can work hard fo do da right kine stuff.

Rome 6:18 ပူးပေါင်းရင်းမြစ်များ

Songs 116:16

Eh! You Da One In Charge! I one worka guy fo you, Jalike my muddah was one worka fo you too. An you wen hemo da tight ropes dat wrap aroun me.

Songs 119:32

Weneva you tell me fo do someting, I goin run fo go do um, Cuz you help me fo undastan stuff Mo betta erytime!

Songs 119:45

Wea evas I go, I can live how I like, Cuz I go fo broke Fo do da tings you tell me fo do.

Isaiah 26:13

Da One In Charge, you da God fo us guys! Befo time, get odda bosses stay in charge a us, not you. So us guys goin make shua Dat you, da ony one us goin tink bout An use yoa name.

Isaiah 54:17

But no matta wat kine tings peopo make Fo fight you guys wit um, Dey no goin win. No matta wat peopo tell in front da judge Wen dey poin finga you guys, You guys goin show proof dey wrong. All dis I goin do fo you guys Cuz me Da One In Charge an you guys work fo me. Dass how I goin show Dat my peopo get um right wit me.” Dass wat Da One In Charge tell.

Luke 4:18

“Da Good An Spesho Spirit from Da One In Charge stay in charge a me, Dass why he sen me fo teach da peopo dat no mo notting Da Good Kine Stuff From God. He sen me fo tell da prisona guys Fo dem come free now. An tell da peopo dat no can see, Fo dem see now, An tell da peopo Dat dey no goin suffa no mo From da guys dat make any kine to dem,

John 8:32

You guys goin know da true stuff, an den you guys no need be slave guys no moa.”

John 8:36

I God Boy, az why if I hemo da shame fo da bad kine stuff you guys do, an let you guys go, den you guys no need be slave guys foeva. Fo shua you guys free up!

Rome 6:14

Fo shua, no let da bad kine stuff take ova you guys! Jus cuz you keep da Rules, dat no make you get um right wit God. Da way you guys live, you do wat you do cuz God awready do real plenny good stuff fo you guys, az why.

Rome 6:22

But now, you guys no gotta do ony bad kine stuff no moa cuz God make you guys come free up. Now you guys da kine peopo dat work fo God! Dat make you guys come good an spesho fo God. Garans you guys goin get da real kine life dat goin stay to da max foeva!

Rome 6:7

Afta you mahke, no mo notting dat can make you do bad kine stuff no moa.

Rome 8:2

Cuz get two tings dat stay fo real: If you stay tight wit God Spirit, he goin make you guys come alive fo real kine. An he goin make you guys stay tight wit Jesus Christ. Dass da Numba One ting. If you guys stay tight wit da bad kine stuff, you guys goin get cut off from God foeva. But if you get God Spirit, da Spirit free you up fo no do da bad kine stuff. Dass Numba Two.

Galatia 5:1

Christ let us go fo us no gotta do wat da Rules tell fo get um right wit God. Cuz a dat, hang in dea an stay strong. No let dem buggahs pile up all kine rules on top you guys one mo time.

1 Peter 2:16

No matta you guys get da right fo do wateva you like, no tink you can make excuse fo make any kine. Make like you work fo God. No foget he own you.