Rome 3:18 - Hawaii Pidgin Bible

¹⁸ Dey no mo respeck fo God notting.”

Rome 3:18 ပူးပေါင်းရင်းမြစ်များ

Start 20:11

Abraham tell, “I ony figga lidis: No mo nobody dis place dat get respeck fo God. Fo shua dey goin kill me fo take away my wife.

Songs 36:1

Wen peopo go agains God, Dat make da peopo tink lidis: “Da way us guys see um, No need come sked a God!” Dis, jalike da bad kine stuff Talk to dem inside.

Smart Guys 16:6

Wen you stay real tight wit peopo, An you da kine guy dey can trus, Fo shua, peopo goin know Dat God let you go awready Fo da tings you wen do agains him. Wen you stay sked a Da One In Charge, Fo shua, you goin change An no do bad kine stuff no moa.

Smart Guys 23:17

No look wat da bad kine guys do, An make jalike you like do Wateva dey stay do. Mo betta, go all out all da time Fo show plenny respeck fo Da One In Charge.

Smart Guys 8:13

(You know, if you sked wen you go In front Da One In Charge Cuz he so awesome, Dat mean, wen somebody do bad kine stuff, you no like dat.) Wen peopo get big head, O wen dey come high makamaka, O wen da way peopo live, dey ony like ack bad, O wen dey tell stuff fo try trick you, I no like dat too.

Luke 23:40

But da odda crook scold him, an tell, “Eh, you no sked God, o wat? Dey wen tell you gotta mahke, too, jalike him.

Rome 3:17

Dey donno how fo make good wit odda peopo, Fo make dem come so notting bodda dem.

Rules Secon Time 25:18

Wen you guys was tired an wore out, da Amalek guys wen attack you guys, an wipe out da peopo dat no can walk good, da ones behind da oddas. Da Amalek peopo, dey not sked a God.

Jesus Show 19:5

Den, jalike one dream, one voice come from God throne an tell, “Erybody dat work fo oua God, An get respeck fo him, All da big an small peopo too, Talk good bout him!”