Rome 3:11 - Hawaii Pidgin Bible

¹¹ No mo nobody dat undastan, No mo nobody dat try fo know God!

Rome 3:11 ပူးပေါင်းရင်းမြစ်များ

Songs 53:2

God look down from inside da sky, He see all da peopo. God look fo see if get even one guy Dat undastan wass happening Fo real kine, An dat like know God fo real kine.

Songs 53:4

Dem guys dat stay do bad kine tings, How come dey neva learn notting? (But fo shua dey know!) Fo dem, easy fo bus up my peopo, Az jalike easy fo eat food. Dey no tink dey need fo yell To Da One In Charge fo help dem.

Songs 94:8

You guys from oua peopo Israel Dat donno how fo tink notting, Mo betta you undastan! You peopo dat do stupid kine stuff, No good you neva learn wat fo do!

Smart Guys 1:22

“Eh, you guys dat donno notting an easy fo bulai! You guys like stay lidat, o wat?! An you buggahs dat no mo respeck fo nobody cuz you tink you real smart, You like stay lidat?! You stupid buggahs dat figga you no need learn notting, How come you no like wen peopo try tell you da trut?!

Smart Guys 1:7

Fo know stuff fo real kine, Main ting, you gotta get awesome respeck fo Da One In Charge Fo you stay sked wen you tink bout him! Ony da peopo dat do bad kine stuff, no bodda dem. Dey figga az wase time, fo learn wass importan fo do An fo stick wit wass right.

Isaiah 27:11

Da Israel peopo, dey jalike small branches From da trees dat come dry an dey broke. Da wahines come pick um up fo make fire. Az cuz da Israel peopo, dey not da kine peopo Dat undastan stuff, Dass why God dat wen make dem No feel pity fo dem. He no like do notting fo dem.

Isaiah 31:1

Bummahs! fo da peopo dat tink Da Egypt peopo goin help um erytime! Dey stay shua dey goin come okay If dey buy plenny horse dea. Dey trus da Egypt war wagons cuz dey get plenny, An plenny guys fo ride horse. But dey no go by Da One In Charge, Da Good an Spesho One fo da Israel peopo. Dey no aks him wat fo do!

Isaiah 55:6

Go all out fo know Da One In Charge Right now, wen he let you guys meet him. Call him fo help you Now, wen he stay nea.

Isaiah 65:1

Da One In Charge tell: “I wen stay ready fo help da peopo But dey neva aks fo me help um. Da peopo dat neva go look fo me, I wen let dem find me. Dose peopo dat nobody call ‘da peopo a Da One In Charge,’ I tell dem, ‘I stay hea! I stay hea!’

Isaiah 9:13

Cuz da Israel peopo still yet no lissen An no come sorry fo da bad stuff dey do An no come back to da One dat stay bus um up, An still yet dey no like even find out Wat Da One In Charge, Da God Ova All Da Armies, tell dem fo do.

Jeremiah 4:22

Da One In Charge tell, “My peopo, dey do bad kine stuff an no bodda dem. Dey donno who me. Dey jalike kids dat no tink. Dey no undastan notting. But dey real smart fo do bad kine stuff, Dey donno how fo do good kine stuff!”

Hosea 4:6

My peopo stay coming wipe out Cuz dey donno me. An cuz you pries guys no like know me, Az why I no like let you guys be my pries guys. You guys foget da teaching Dat come from me, yoa God, Da One In Charge, Az why I goin foget yoa kids.

Hosea 7:10

Da Israel peopo get big head, Az why erybody know dey lose face. But no matta, still yet dey no come back to me. Dey no look fo me, dea God, Da One In Charge.

Matthew 13:19

Any guy hear da stuff bout da King in da sky, an no undastan, da Bad Guy come an take away da stuff dat da guy wen hear dat stay inside him. Dass jalike da seed dat fall down by da trail.

Rome 1:22

Dey tell erybody dey smart an know wat fo do erytime. But cuz dey tink lidat, dey stay come mo stupid.

Rome 1:28

Cuz dey tink, “Mo betta we no stay tight wit God fo real kine!” Az why God let um ack how dey like ack. An dey ony tink fo do no good kine stuffs. Dass how dey ack.

Rome 3:10

Jalike da Bible befo time tell, “No mo nobody dat do da right ting erytime. No mo even one guy!

Rome 3:12

Nobody eva do how dey suppose to do. Poho, erybody come! No mo nobody do good tings, No mo even one guy!

Rome 8:7

An if you tink fo do bad kine stuff an ack da way yoa body like you fo ack, cuz dass how you stay inside, you go agains God erytime. Dat mean, you no do wat da Rules From God tell—cuz you no mo da powa fo do um.

Titus 3:3

You know, befo time us guys was stupid too. We neva like do wat we suppose to do. We lissen wen odda peopo bulai us. We ack jalike we gotta do wateva we like do, watevas dat feel nice. All da time, we wen do bad tings to da peopo, an stay jealous a dem. Odda peopo wen hate us, an we hate dem too.

1 John 5:20

We know dat God Boy wen come an help us guys fo undastan. Az how we know da real God. Us guys stay tight wit da One dass da real God—wit God Boy Jesus, da Spesho Guy God Wen Sen. Dass da real God, an dass da real kine life dat goin stay to da max foeva!