Rome 2:3 - Hawaii Pidgin Bible

³ So, wat you tink? Wen you poin finga da odda guys cuz dey stay do bad kine stuff, an you stay do da same ting, you tink God goin let you go? No ways!

Rome 2:3 ပူးပေါင်းရင်းမြစ်များ

2 Samuel 10:3

da Ammon alii guys tell dea boss Hanun, “You tink az fo real, dat David show respeck fo yoa faddah wen he sen dese messenja guys by you, jus fo tell dat he stay sorry?! No way! Fo shua, he sen um by you fo dem check out oua main town! Dey spies! An dey like find out oua secret stuff!”

Job 35:2

“Eh Job! You tink az right, Fo you tink you mo right den God?

Songs 50:21

Wen you do all dat kine stuff, You tink I no goin say notting?! No way! You tink I stay jalike you?! Not even! I stay tell you right now, Dat you stay do wass bad, An I goin be in yoa face Bout all da bad tings you wen do.

Songs 56:7

So den, God, no let dem guys get away Afta all da bad kine tings dey wen do! Make all dose diffren peopos Come notting Cuz you tell “Laytas” to wat dey do!

Smart Guys 11:21

You betta know dat da bad kine peopo Goin get busted an suffa, But fo da peopo Dat do da right ting erytime, Da ones dat goin come from dem Goin stay outa trouble.

Smart Guys 16:5

Erybody dat ack high makamaka kine, Dey pilau, da way Da One In Charge see um! Fo shua dey goin get punish bumbye.

Ezekiel 17:15

But da Judah king wen go agains da Babylon king. He sen messenja guys Egypt side fo get horses an plenny army guys fo fight. You guys tink da Judah king goin win, o wat?! You guys tink he goin get outa dea, o wat?! Da one dat do dis kine stuff, you tink he can broke da deal an still yet get outa dea, o wat?!

Ezekiel 17:18

Da Judah king come piss off cuz he wen make da strong promise he gotta keep, so he wen broke da deal. But cuz he shake hand fo make da promise, an den he go do all dat kine stuff, no ways he goin get outa da deal!

Daniel 10:19

He tell: “God get plenny love an aloha fo you! So, no sked! Eryting goin go good fo you! Come strong now, come strong!” Wen he talk to me, I come mo strong. I tell, “Boss, talk to me now cuz you make me come strong.”

Matthew 23:33

You guys jalike da poison snakes, an you guys come from one snake ohana! You guys tink God da Judge goin let you guys go? No way! You tink you guys not goin go Hell? No way!

Matthew 26:53

Tink bout dis: If I tell my Faddah now fo help me, he goin sen me tousans an tousans a angel army guys.

Luke 12:14

Jesus tell, “Eh, who wen give me da right fo judge dat, o fo half half da stuff an give you yoa share an yoa braddah his share?”

Luke 22:58

Bumbye one guy spock Peter an he tell, “You one a dem too!” Peter tell, “No way, brah!”

Luke 22:60

But Peter tell, “Eh, brah, I donno wat you talking bout!” Peter still talking, an da roosta crow.

Rome 1:32

God wen tell um wass pono fo dem do, an dey wen hear all dat awready. Dey know dis too: if get anybody dat no ack jalike how God tell um fo ack, fo shua dey goin mahke. But dese guys do all dat kine stuff anyway, an dey tink az good wen da odda guys ack lidat too.

Rome 2:1

So den, no matta who you, if you poin finga somebody dat do bad kine stuff, no foget you do da same kine tings jalike him. Eh, you too no mo excuse cuz you poin finga you.

Rome 2:2

But we know dis: Erytime God tell dat da peopo wen do bad kine stuff, we know wat he tell stay true.

Rome 9:20

Eh, how come you talk back lidat to God, braddah? Who you tink you? Jalike da Bible tell befo time: “If get one guy dat make someting, dat ting no can tell da guy, ‘Eh! How come you wen make me lidis?’ ”

1 Tessalonika 5:3

Erybody goin tell, “Eh, eryting goin good! Notting goin happen to me!” Den bummahs! Right den an dea dey goin get it! Goin be jalike wen da pain hit da hapai wahine. No way peopo can run away from dat kine!

Hebrews 12:25

Eh, you guys! Make shua you lissen God, da One stay talking. Da Israel peopo, dey neva like lissen Moses. He da guy hea inside da world dat wen tell dem wat God tell. But cuz dey neva lissen, God wen punish dem. Dat mean, us guys goin get it even moa, if we no lissen da One from da sky wen he stay talk to us!

Hebrews 2:3

Was lidat befo time. But den, Da One In Charge, Jesus, tell peopo dis awesome ting da firs time—how dey no need get punish fo da bad kine stuff dey do! Had peopo dat wen hear Jesus, an dey wen show us guys proof dat da tings he tell was fo real. But if us guys no like lissen him, no way we no goin get punish fo da bad kine stuff we do.