Rome 2:18 - Hawaii Pidgin Bible

¹⁸ an you know wat God like you fo do. You know wass da bestes kine stuff, cuz da teachas wen teach you from da Rules From God.

Rome 2:18 ပူးပေါင်းရင်းမြစ်များ

Songs 119:130

Wen peopo hear da tings you tell, Eryting come clear fo dem, Jalike get light. An dat help da peopo Dat donno wat fo do Undastan wat fo do.

Songs 19:8

Wen Da One In Charge tell someting you gotta do, An you do um, Dass da right ting fo do, Dat make you like throw party inside you. Wen Da One In Charge tell you how fo live, No mo notting bad bout dat. You do um, you goin undastan how fo live fo real kine.

Smart Guys 6:23

Cuz da ting I tell you fo do, An da rules yoa muddah teach you, Dass jalike one small lamp, O one light Dat show you da way fo live fo real kine, An show you wat you wen do wrong, Fo you go back to da right way fo live.

Luke 1:4

Den you can know dat da stuff you wen learn stay true.

Luke 12:47

“Da worka guy dat know wat his boss like, an no get ready fo do um, an no do wat da boss like him fo do, his boss goin punish him real hard.

John 13:17

You guys know all dis stuffs. So, if you guys do um, you guys goin stay good inside.

Rome 15:4

Eryting dat peopo wen write inside da Bible befo time, all dat stay inside da Bible fo teach us guys fo come mo strong fo hang in dea. Dass da good kine words we get from da Bible. Fo shua we goin know dat bumbye God goin do plenny good tings fo us.

Rome 2:19

You stay shua you can kokua da peopo dat no can see fo show um wea fo go. You figga you jalike one light fo all da peopo dat stay inside da dark.

Rules Secon Time 4:8

You tink get odda importan nations dat get rules fo tell wass right an wass wrong, an laws dat stay pono? Fo shua no mo! Da rules an laws dat I stay give you guys today mo betta den all da odda nations!

Philippi 1:10

Den dey can pick da bestes kine stuff, an tell ‘Laytas’ to da junk kine stuff! Dey do dat fo erybody see dat dey fo real. Den nobody goin poin finga dem, from now till wen Christ come back!

1 Tessalonika 5:21

Mo betta, go check out eryting, den stay tight wit da good stuff.

Hebrews 5:14

An wat dat mean, “handle da solid stuff”? Dat kine stuff fo da grown up kine peopo. Dey jalike da ones dat work out all da time fo come mo strong. Dey do good kine stuff erytime an no do bad kine stuff. Dass how dey know how fo figga wass good an wass no good.

James 4:17

Da guy dat know how fo do good tings, but still yet he no do um, same ting, jalike he still do bad kine tings.