Rome 2:17 - Hawaii Pidgin Bible

¹⁷ Now you, you like peopo fo know you one Jew guy, an you trus da Rules From God. You talk big bout God,

Rome 2:17 ပူးပေါင်းရင်းမြစ်များ

Songs 135:4

Cuz Da One In Charge wen pick Oua ancesta guy Jacob Fo come his spesho boy, Da same Jacob guy Dat Da One In Charge wen give Da name Israel, Da One In Charge pick him Fo be his guy.

Isaiah 45:25

But wen all da peopo Dat come from oua ancesta Israel Stay tight wit Da One In Charge, Den dey goin get um right wit him. An dey goin tell good stuff bout him.”

Micah 3:11

Dea main guys take unda da table kine money Fo judge dat da guy dat pay um, he da one stay right. Dea pries guys teach da Rules from God, But ony if da peopo pay um too. Da guys dat tell dey talk fo God, Make da peopo pay fo tell dem wat goin happen. But same time dey talk bout how dey trus Da One In Charge, an tell: ‘Da One In Charge stay hea wit us guys. So no mo notting bad goin happen to us guys!’

Zefaniah 3:11

Dat time, you guys no goin get shame, Fo all da wrong kine stuff you guys wen do agains me! Cuz den, I goin take away from Jerusalem town All da peopo dat feel good cuz dey get big head. You guys no goin ack high makamaka no moa, On top da hill dat stay spesho fo me.

Matthew 3:9

Eh! No tink, ‘Jus cuz Abraham oua main faddah us guy no goin get punish!’ I stay tell you guys now, God can take dese rocks ova hea an make kids fo Abraham outa dem.

Luke 10:28

Jesus tell, “Dass right! Do dat an you goin live fo real kine.”

John 5:39

You guys go check out da Bible erytime, cuz you guys figga you goin find da real kine life dat goin stay to da max foeva, inside da Bible from befo time. But wen da Bible talk bout how fo get da real kine life, dass me he stay talk bout.

John 5:45

“No figga I goin poin finga you guys fo tell da Faddah how you stay. But get one guy dat stay poin finga you guys. Dass Moses, da guy you trus, cuz he wen give you guys da Rules From God.

John 7:19

Moses wen give you guys da Rules From God, but no mo nobody from you guys do wat da Rules From God tell um fo do. So, how come you guys try fo kill me?”

John 8:33

Dey tell him, “Ho! Us guys come from Abraham! We no was slave guys eva! Wat you mean, ‘No need be slave guys no moa’?”

John 8:41

You guys do da kine stuff dat come from yoa faddah!” Dey tell him, “Eh, us guys ony get one faddah, an he God! No mo anodda guy oua faddah!”

Rome 2:23

You talk big bout da Rules From God. But you make God come shame cuz you broke da Rules, aah?

Rome 3:27

You tink you can talk big now, o wat? No ways! Wot?! You tell you get one Rule dat tell you get um right wit God cuz you wen do good kine stuffs? Eh, not even! Us can ony tell bout dat Rule dat tell we get um right wit God cuz we trus um.

Rome 9:32

How come stay lidis? Dey neva get um right wit God cuz dey ony try get um right wit God by da stuff dey do. Dey neva trus God. Da Bible talk bout one “rock dat make peopo trip ova an fall down.” Dis wat Isaiah tell inside da Bible: “Eh! Right hea inside Zion Town, I goin put one Guy. He goin be jalike one rock Dat goin make peopo trip ova an fall down. But whoeva trus dat Guy, Dey no need come shame.” An az da Israel peopo wen trip ova dat rock an fall down!

2 Corint 11:22

Dem guys Hebrew guys? Yeah, aah, me too. Dem guys Israel guys? Yeah, aah, me too. Dem guys come from Abraham? Yeah, aah, me too.

Galatia 2:15

Us guys was born Jews. We not like da odda peopos dat donno God an do bad kine stuff.

Efesus 2:11

So den, you guys dat no mo Jew blood, no foget how you was befo time. Wen you guys wen born, you guys neva know God. Da Jew guys, dey get da cut skin mark dat peopo give um small bebe time. Dat mark show dat dey God peopo. Az why dey call you guys “da guys dat no mo da cut skin mark.”

Jesus Show 2:9

‘I know you guys suffa plenny, an you guys stay pooa. Still yet you guys stay rich! I know fo shua get guys dat tell dey God peopo, but dey not. Dey talk bad bout you guys. Dey tell dey come togedda fo pray to God, but dey work fo Satan.

Jesus Show 3:1

Den da One I wen see tell me, “Da messenja guy I wen sen fo help da peopo dat come togedda fo church Sardis side, write one letta to him, an tell um dis: “Da One dat stay in charge a da seven spirits dat come from God, an hold da seven stars too, dis wat he tell: ‘Eh, I know eryting wat you guys stay do! I know fo shua erybody tell dat you guys stay alive fo real kine! But az bulai, cuz I know fo shua you guys stay mahke inside.

Jesus Show 3:9

Get peopo dat come togedda inside one church, an tell dey God peopo. But fo real, dey Satan peopo. Dey ony bulai. I goin make dem come an go down in front you guys feet. An dey goin find out dat I get love an aloha fo you guys.