Rome 15:32 - Hawaii Pidgin Bible

³² Den, if God like me go Rome, pray fo me stay real good inside, an fo me come by you guys fo feel mo good inside, an fo res up plenny.

Rome 15:32 ပူးပေါင်းရင်းမြစ်များ

Smart Guys 25:13

Wen you get somebody dat can talk fo you An you can trus um, Make you feel good inside, Jalike wen stay real hot, An somebody bring you cold snow fo eat. Erytime dat kine talka guy come back Afta you sen him some place, You stay good inside Cuz he do one good job fo you.

Jesus Guys 18:21

Wen he go, he promise dem, “I goin come back if God like me come back.” Den he ride boat from Efesus.

Jesus Guys 27:1

Da leadas tell us goin ride boat Italy side, an dey turn ova Paul an some odda prisona guys to one captain Julius from Cesar army guys.

Rome 15:29

Fo shua wen I go by you guys, I goin come ova dea wit all da good kine stuffs Christ give us guys.

1 Corint 16:18

Dey wen make me come jalike new one mo time inside, an dey wen do da same ting fo you guys. Dat kine peopo, show um respeck.

1 Corint 4:19

But if Da One In Charge like, I goin come Corint side soon. Den I goin find out if dese guys dat ack big head ony mout, o if fo real dey get powa!

2 Corint 7:13

All dis make us feel mo betta inside. You guys wen help Titus feel real good inside fo notting bodda him. An dat make us guys feel real good inside too.

2 Timoty 1:16

But all da peopo from Onesiforus ohana, I like Da One In Charge do good tings fo dem. Cuz plenny times dea leada guy Onesiforus wen visit me. Dat guy wen make me feel jalike I stay new inside, an he neva come shame cuz I one prisona guy.

Filemon 1:20

Eh, braddah, try do someting fo me. Cuz you stay tight wit Da One In Charge, I like you fo make me come good inside, cuz me an you stay tight wit Christ.

Filemon 1:7

Braddah, you get love an aloha fo da peopo dat stay spesho fo God. Az why I feel good inside. Weneva I no feel good inside, I tink bout you, an dat make me feel good one mo time. Cuz da peopo dat stay tight wit God, you make dem come good inside one mo time.

James 4:15

Mo betta tell, “If az wat Da One In Charge like, we goin stay alive, an do dis ting an dat ting.”