Rome 15:26 - Hawaii Pidgin Bible

²⁶ Cuz oua braddahs an sistahs Macedonia side an Akaia side wen give money fo kokua da pooa peopo Jerusalem side dat stay spesho fo God.

Rome 15:26 ပူးပေါင်းရင်းမြစ်များ

Smart Guys 14:21

Wen peopo no mo respeck fo da odda guy, Az wrong, But wen you kokua peopo dat no mo notting, You can stay good inside!

Smart Guys 14:31

Wen somebody put presha On da peopo dat no mo notting Fo take dea stuff, Dass jalike he talk bad Bout da One dat make dem. Wen somebody show pity Fo da peopo dat need help He show he get respeck fo God.

Smart Guys 17:5

Anybody make fun a da peopo dat no mo notting, Dey show dat dey no mo respeck fo God, An he da One wen make dem. Anybody feel good inside Wen bad kine stuff happen to odda peopo, Fo shua, God goin punish da guy dat feel good bout dat.

Zekariah 11:11

Right den, dat same day, da deal come no good. So da guys dat goin lose money cuz a wat I wen do wit dea sheeps, dey stay watch me. Dey know dat wat I wen do, az was jalike one message from Da One In Charge.

Zekariah 11:7

So me, Zekariah, I take kea da sheeps dey goin kill fo eat, fo help even da sheeps dat get trouble. Den I take two sticks fo walk, da kine da sheep guys use. I call one stick “I like um,” an call da odda stick “Come togedda.” Dass how I take kea da sheeps.

Matthew 25:40

“Me, da King, I goin tell, ‘Dass it! I tell you guys fo shua, wateva you guys wen do fo one a my braddahs, no matta peopo tink da guy not importan, was me you guys do um fo.’

Matthew 26:11

Erytime goin get pooa peopo stay wit you guys, but I not goin stay wit you guys erytime, you know.

Luke 14:13

Mo betta, wen you make one luau, tell da guys dat no mo notting fo come, da guys dat no can move, da guys dat no can walk, an da guys dat no can see.

Luke 6:20

Jesus look da guys he stay teach an tell, “You guys dat stay pooa now, You can stay good inside Cuz God, he yoa King!

Jesus Guys 16:12

We go from dea an go Philippi town, one place da Rome govmen stay in charge. Dass da main town fo Macedonia. We stay ova dea litto bit.

Jesus Guys 16:9

Nite time Paul see someting jalike one dream. He see one guy from Macedonia stan in front him an beg um, “Try come ova hea Macedonia side fo help us.”

Jesus Guys 18:12

Wen Gallio stay govna fo Akaia, da Jews gang up on Paul an take him in front da govna.

Jesus Guys 19:21

Afta all dat happen, Paul tink fo go Jerusalem, an go thru Macedonia an Akaia. He tell, “Afta I go ova dea, den I gotta go Rome too.”

Jesus Guys 9:13

Ananias tell, “You Da One In Charge! I hear bout dis guy plenny time. He do plenny bad kine stuff to da peopo Jerusalem side dat stay spesho fo you.

1 Corint 16:15

Eh, my braddahs an sistahs, you all know Stefanas an his ohana guys, aah? Dey was da firs peopo dat wen trus Christ from all ova dea Akaia side by you guys. An dey wen go all out fo kokua all da peopo dat stay spesho fo God.

1 Corint 16:5

Afta I go thru Macedonia, den I like go by you guys. But firs, I gotta go Macedonia.

2 Corint 1:16

I wen figga I goin come see you guys wen I go Macedonia side, an one mo time wen I stay come back, cuz I like you guys kokua fo me go Judea side.

2 Corint 11:9

Wen I wen stay wit you guys an I need someting, I neva bodda you guys fo go aks fo someting. Da Macedonia braddahs wen come an kokua me. But erytime I neva bodda you guys notting, an I no goin bodda you guys eva.

2 Corint 2:13

But I wen feel funny kine bout someting, cuz I no can find my braddah Titus ova dea. Az why I wen tell da Troas peopo aloha an den go Macedonia.

2 Corint 7:5

Wen us guys wen come Macedonia side, oua bodies all tired out. Us had trouble from eryting all ova, fighting on da outside, an real sked inside.

2 Corint 9:12

Da help you guys goin give da peopo ova dea dat stay spesho fo God, dat goin kokua dem plenny, an same time goin make plenny peopo tell God “Mahalo plenny!”

2 Corint 9:2

Cuz I know how you guys fo real kine like help um, an I stay tell da Macedonia church peopo how plenny you guys like kokua dem. I wen tell um dat from las year you guys from Akaia side was ready fo give money, an da way you guys was ready fo go all out, wen make da odda peopo like give money too.

2 Corint 9:4

You know, if some Macedonia guys come wit me an find you guys not ready wit da money, us guys goin get plenny shame, cuz we wen trus you guys plenny. An you guys goin get plenny shame too, you know.

Philippi 4:15

You Philippi guys, you no foget, aah? wat happen da firs time, wen I tell you guys da Good Stuff From God. Afta dat, I wen go way from dea Macedonia side. From all da church guys all ova da place, you guys was da ony guys dat wen kokua me an sen me money.

1 Tessalonika 1:7

So den, wen da peopo Macedonia an Akaia side dat stay trus Christ wen find out how you guys ack, dey wen start fo ack lidat too.

1 Tessalonika 1:8

Cuz a dat, not ony da peopo Macedonia an Akaia side wen hear da Good Stuff bout Da One In Charge, but all ova da odda places peopo wen hear dat you guys stay trus God. So us guys no need tell notting moa.

1 Tessalonika 4:10

Dass jalike how you guys get love an aloha fo all oua braddahs an sistahs all ova Macedonia. Eh braddahs an sistahs, we beg you guys fo make lidat mo plenny still yet.

1 Timoty 1:3

I stay tell you now, jalike I wen tell you wen I wen go way from you befo time, an wen go Macedonia side: Stay ova dea inside Efesus town. Get guys ova dea dat teach da kine stuff dass not right. Tell um, “You guys betta not teach lidat!

Filemon 1:5

Erybody stay tell me bout da love an aloha you get fo all da peopo dat stay spesho fo God, an how real plenny you trus Jesus, Da One In Charge.