Rome 15:10 - Hawaii Pidgin Bible

¹⁰ Get anodda place inside da Bible dat tell da same ting: “Eh, all you diffren peopos from all ova da place, Stay good inside wit odda peopo dat stay tight wit God.”

Rome 15:10 ပူးပေါင်းရင်းမြစ်များ

Songs 68:32

Sing fo God, ery place Inside da world dat get one king! Make songs fo my Boss! (Time out fo da music.)

Songs 97:1

Da One In Charge, he da king! I like erybody inside da world Stay good inside cuz a dat! I even like all da islans Go dance an sing!

Isaiah 66:10

“All you peopo dat get love an aloha Fo da Jerusalem peopo, Dance an sing wit dem An stay good inside! Show erybody how you feel good jalike dem, No matta befo time you wen stay sad inside.

Rules Secon Time 32:43

All you peopos, yell plenny Cuz you stay good inside Wen you tink bout da peopo a Da One In Charge! Cuz he goin pay back da ones dat wen kill his worka guys. He goin pay back da peopo dat stay agains him. He goin make his peopo an land Come pono wit him one mo time.