Rome 10:11 - Hawaii Pidgin Bible

¹¹ Jalike da Bible tell, “Whoeva trus God, no way dey come shame, cuz God goin do eryting wat he tell.”

Rome 10:11 ပူးပေါင်းရင်းမြစ်များ

Isaiah 28:16

Cuz dass how you guys tink, Da One In Charge a me tell dis: “Dis, wat I do! I da One goin put one stone on top da Zion hill Wea my Temple stay. One fo shua solid kine stone. Dat stone, jalike da corna block. Dass real importan Fo make da foundation stay solid. An da stone mean dis: ‘Anybody dat trus him, no need worry.’

Isaiah 49:23

You Jerusalem guys, You goin get king guys fo take kea yoa kids An be jalike dea hanai faddahs, An da alii wahines goin be Jalike da muddahs fo breas feed yoa kids. Dey all goin go down Wit dea face on top da groun Fo show respeck fo you Jerusalem guys, Jalike dey stay eating da dirt on top yoa feet. Den, you guys goin know dass me, Da One In Charge. Da peopo dat wait fo me, fo see wat I goin do, No way dey goin come shame!”

Jeremiah 17:7

“But fo da guys dat trus me, Da One In Charge, An stay shua I goin do wat I tell um I goin do, I goin do good kine stuff fo dem.

Rome 10:10

Dass cuz inside you trus God, an den he make you get um right wit him. An dass cuz you tell in front erybody dat Jesus stay Da One In Charge a you, an den God goin take you outa da bad kine stuff you do.

1 Peter 2:6

Cuz inside da Bible, God tell, “Eh, try look. I put down da corna block inside Zion, Dass da one I wen pick. Dat stone real importan fo me. Anybody dat goin trus him plenny, Dey no need worry notting.”