Rome 1:9 - Hawaii Pidgin Bible

⁹ God know dat I stay tell da trut. He know I go all out fo work fo him wit my spirit. I make lidis fo tell da peopo all da Good Kine Stuff Bout His Boy. An God know dat I no goin give up fo tink bout you guys.

Rome 1:9 ပူးပေါင်းရင်းမြစ်များ

Job 16:19

Right now, you know, get somebody inside da sky Dat see wat I do. He da One dat can tell wat he see me do.

Mark 1:1

You wen hear da Jesus story? He da Christ Guy, da Spesho Guy God Wen Sen. He God Boy. Dis da time da Good Kine Stuff Bout Christ start fo happen.

Luke 18:1

Jesus tell his guys one story fo show dem dat dey gotta pray erytime an no give up.

Jesus Guys 12:5

So Peter stay inside da jail, an all da church peopo pray real hard fo him.

Jesus Guys 19:21

Afta all dat happen, Paul tink fo go Jerusalem, an go thru Macedonia an Akaia. He tell, “Afta I go ova dea, den I gotta go Rome too.”

Jesus Guys 24:14

Dass true I go down an pray in front da God fo oua ancesta guys. I stick wit da message bout Jesus. But dese guys tell, ‘Fake, wat dey teach!’ I trus all da stuff Moses wen write down inside da Jew Rules, an wat da guys dat talk fo God befo time wen write down too.

Jesus Guys 27:23

I stay tight wit God an work fo him, you know. Las nite one angel messenja guy from God stan by me.

Jesus Guys 3:26

God pick his Spesho Helpa Guy Jesus, an sen him by you guys firs. He sen him fo him do good kine stuff fo you guys, an make you guys so you no do da bad kine stuff no moa.”

Rome 9:1

Eh, I no bulai you guys, I ony tell da trut cuz I stay tight wit Christ, da Spesho Guy God Wen Sen. My inside tell me da same ting, an fo shua God Spirit stay in charge a my inside.

2 Corint 1:23

Wen I tell dis, I tell God fo back me up, cuz he know how I stay inside. He know how come I neva go Corint side fo visit you guys yet. I no like make you guys come shame, dass why I neva go visit you guys yet.

2 Corint 11:31

Jesus, he Da One In Charge, an God, he Jesus Faddah. God, he know I no bulai. Erytime us guys tell erybody dat God stay good foeva.

Galatia 1:20

Lissen up! In front God I tell dis: all da stuff I stay write you guys stay true. I no bulai bout dis.

Efesus 6:18

Fo stan strong erytime, pray an stay tight wit God Spirit. Pray bout eryting, an tell God fo help you. Make shua you guys watch out, an hang in dea an pray fo all da peopo dat stay spesho fo God.

Philippi 1:3

Erytime I tink bout you guys, I tell my God, “Mahalo plenny fo da Philippi peopo!”

Philippi 1:4

An erytime I pray fo all you guys, I feel good inside.

Philippi 2:22

An you guys know wat kine guy Timoty—you know he get da stuff fo do da job. Him an me, we work togedda fo tell da Good Kine Stuff From God. Jalike him my boy an me his faddah.

Philippi 3:3

Dey tell, “Fo be God guy fo real kine, gotta cut skin.” But you know, us guys, us da guys dat get God Spirit. Dass da mark fo show dat us God guys, not dem. Cuz wen us do stuff fo God, dass da Spirit dat help us fo do um. Us guys can feel real proud cuz we stay tight wit God Spesho Guy, Jesus Christ. We no tink we okay jus cuz somebody wen do someting to oua body.

1 Tessalonika 1:2

Erytime us guys pray, we talk to God bout all you guys, an we tell, “Mahalo plenny, God, fo da church peopo Tessalonika side!”

1 Tessalonika 3:10

Day time an nite time we stay pray real hard fo us see you guys one mo time, an we like give you guys da kine stuff you need still yet fo trus him to da max.

1 Tessalonika 5:17

No matta wat happen, make time fo talk to God erytime.

1 Timoty 2:7

Dass why God wen pick me, an sen me all ova da place fo tell da Good Stuff to all da diffren peopos dass not Jew guys. He like me teach dem fo dem trus da true stuff. Eh, I no bulai. Wat I stay telling you stay true.

2 Timoty 1:3

Wen I pray, I tell God “Mahalo plenny!” erytime I tink bout you, day time an nite time. I stay work fo God, same ting jalike my ancesta guys wen do. An fo shua I know I stay do good tings.

Filemon 1:4

Braddah Filemon, erytime I pray, I no foget fo tell oua God “Mahalo plenny!” fo you.

1 Samuel 12:23

An me, if I wen no pray fo you guys, fo shua az one bad kine ting I wen do agains Da One In Charge. Az why fo shua I goin stay pray fo you guys! An I goin teach you guys da way dat stay good an right.