Rome 1:32 - Hawaii Pidgin Bible

³² God wen tell um wass pono fo dem do, an dey wen hear all dat awready. Dey know dis too: if get anybody dat no ack jalike how God tell um fo ack, fo shua dey goin mahke. But dese guys do all dat kine stuff anyway, an dey tink az good wen da odda guys ack lidat too.

Rome 1:32 ပူးပေါင်းရင်းမြစ်များ

Songs 50:18

If you see one guy dat rip somebody off, Make you feel good inside. You hang out wit da kine peopo Dat stay fool aroun Behind dea wife o dea husban back.

Smart Guys 28:4

Da kine peopo dat tink da Rules From God no good, Dey talk good bout bad kine peopo. But da ones dat stay do wat da Rules tell, Dey go agains wat da bad kine peopo do.

Hosea 7:3

Da prince guys make da king tink az good fun Cuz dey stay do bad kine stuff. Da prince guys like fo dem bulai.

Luke 11:48

So you show you figga dass good, wat yoa ancesta guys wen do. Dey wen kill da guys dat talk fo God, an you guys make dea tombs!

Jesus Guys 22:20

An wen dey kill da guy Stephen dat talk fo you, I wen stan dea an tell um, “Dass good!” an I take kea da clotheses fo da guys dat kill him.’

Jesus Guys 8:1

Da guy Saul stay dea, an he tink dass good dey kill Stephen. Dat same day Saul guys start fo make all da peopo suffa plenny dat come togedda fo church Jerusalem side. So all da peopo dat trus da Good Stuff From God scatta all ova Judea an Samaria. But da twelve guys Jesus wen sen all ova no go way yet.

Rome 1:18

One mo ting God show us guys: Get peopo ack jalike God no matta, an dey do da kine tings dey not suppose to do. But God had it wit wat dey do. Az why he goin judge um from up dea in da sky. Inside, dey know wass true, but dey stay do da kine tings dey not suppose to do. Az why dey no let odda peopo know wass true.

Rome 1:21

Dey know bout God, but dey no like tell him, “Eh, you stay awesome cuz you stay God!” Dey no like tell um “Mahalo plenny!” Dass why ony poho wat dey tink bout God. Cuz dey no undastan notting, jalike eryting come all dark inside dem.

Rome 6:21

Wat good kine ting you guys wen get from all dat? Notting! You guys ony get plenny shame weneva you guys tink bout dat. Cuz wen you do bad kine stuff, az you da one get cut off from God cuz a dat.

Rome 6:23

Dis da deal: Wen you do da tings you not suppose to do, dass how you get cut off from God. But get anodda deal dat God get fo you. He like give you someting dass real good—da real kine life dat goin stay to da max foeva! An you get dis wen you stay tight wit Jesus Christ, Da One In Charge a us guys.

2 Tessalonika 2:12

Az why all da peopo dat neva trus da true stuff, but feel good inside wen dey do stuff dass wrong, God da Judge goin punish dem.