Rome 1:20 - Hawaii Pidgin Bible

²⁰ Dat mean, from befo time wen God make da world, anybody dat try fo undastan da stuffs God wen make, dey can figga how God stay, no matta dey no can see him. You know, God get dis unreal powa dat goin stay lidat foevas. Az why he stay God fo shua. An erybody can undastan all dat. Az why dey no mo excuse fo how dey ack.

Rome 1:20 ပူးပေါင်းရင်းမြစ်များ

Start 1:1

Da time wen eryting wen start, God make da sky an da world.

Start 21:33

Abraham, he go plant one ironwood tree ova dea Beer-Sheba side. Dat place, he tell Da One In Charge, “Eh! You, da God Dat Stay Foeva! I like you help me, cuz I know wat kine god you!”

Job 12:7

“You guys can even aks da animals, an dey goin teach you. Aks da birds dat fly in da sky, an dey goin tell you.

Songs 104:31

I like Da One In Charge Stay real awesome foeva! I like Da One In Charge Stay real good inside Cuz a da tings he wen make!

Songs 104:5

God, you wen make da world solid On top da foundation You wen make fo um. No way da world goin move from dea, you know.

Songs 119:90

Us guys dat stay alive right now Can trus you fo do wat you tell, An da peopo dat goin come From us guys bumbye Can trus you too. You wen set up da world how stay now, An you make um solid.

Songs 139:13

Eh God, you wen make me An eryting inside my body. Wen my muddah come hapai, You wen put togedda all my parts.

Songs 8:3

Yoa sky, weneva I tink bout um An see da tings up dea dat you wen make wit yoa hands, Da moon an da stars dat you wen put dea,

Songs 90:2

Befo had mountains, Befo you make da world An all da diffren lands, Befo had time even, You stay God fo real kine. An you goin stay God foeva!

Isaiah 26:4

Trus Da One In Charge foeva an eva, Cuz if you stay tight wit oua God, Dass Da One In Charge a us, Jalike you get one strong an solid rock dat stay foeva.

Isaiah 40:26

Eh, you guys, look up inside da sky! Who you tink wen make all dis stuff?! Az da same One bring out da stars one by one. Get plenny a dem, jalike one army! He call da name fo ery star. Cuz God stay strong an get plenny powa, Ery star stay dea wen he call dea name.

Isaiah 9:6

Cuz one bebe goin born fo us guys, One boy dat God give us. Da govmen goin be his kuleana. Dis da name peopo goin give him: “Da Awesome One Dat show us da bestes tings fo do. Da God dat get all da powa. Da Faddah dat stay foeva. Da Leada dat make us come so notting bodda us.”

Jeremiah 5:21

‘Lissen up, you stupid peopo dat no tink! You guys get eyes, but you no can see. You guys get ears, but you no can hear.’ ”

Jeremiah 51:15

“Da One In Charge wen make da earth, Cuz he get da powa. Da world stay how stay, Cuz he da One make um lidat, An cuz he know wat fo do erytime. He spread out da sky Cuz he know da bestes way fo make um lidat.

Matthew 5:45

Wen you do dat, you goin show fo real kine dat you da kine kids dat come from yoa Faddah dat stay in da sky. He make da sun come up fo da bad guys an da good guys. An he sen rain fo da guys dat do da right tings, an fo da guys dat no do da right tings.

Mark 10:6

But I tell you guys dis: Wen God wen make da world, he make one guy an one wahine.

John 1:18

No mo nobody wen see God fo real kine. But ony dat Guy wen see um. No mo anodda guy jalike him cuz he God too. No mo nobody stay mo tight wit his Faddah den him. He da One dat wen show how God stay.

John 15:22

If I neva come an talk to dem, dey neva figga dey stay do bad kine stuff. But now, dey no can go do bad kine stuff an den tell, ‘Eh, us guys neva know was bad!’

Jesus Guys 17:29

“Cuz we stay his kids, no good we tink dat God stay jalike one idol kine god—someting one guy tink bout an make from gold o silva o one stone.

Jesus Guys 22:1

Paul tell, “My braddahs an faddahs, lissen me! I like tell dis fo show proof bout me.”

Rome 1:19

Dey no mo excuse cuz easy fo dem undastan bout God. Cuz God show dem fo real kine bout him awready.

Rome 16:26

But now, da tings da guys dat talk fo God from befo time, da stuff dat dey wen write inside da Bible, all dat make eryting mo easy fo undastan. Da God dat no goin mahke eva, he make shua all da diffren peopos know da tings dass was secret befo time. Dass how dey goin trus him an do wat he tell um fo do.

Rome 2:1

So den, no matta who you, if you poin finga somebody dat do bad kine stuff, no foget you do da same kine tings jalike him. Eh, you too no mo excuse cuz you poin finga you.

Rome 2:15

How dey ack, dat show dey get da Rules From God right dea inside dem. Inside dey know bout wat dey do wen dey tink wat stay right an wat stay wrong.

1 Corint 1:20

So wat den? Wat goin happen to da smart guys? An to da teacha guys dat teach da Rules? An to da guys dat nowdays can talk good an make you tink anodda way? Eh! God make all dem guys look stupid! All da smart guys in dis world tink dey know wat fo do, but God make all dat come jalike notting!

Rules Secon Time 33:27

Da God dat stay from befo time, He take kea you guys. Undaneat you guys, get his arms dat stay foeva. He goin throw out da peopo dat stay agains you guys. He goin tell, ‘Go wipe dem out!’

Rules Secon Time 4:19

An wen you guys look up inside da sky an see da sun, da moon, an da stars—all da tings dat get inside da sky—no tink you gotta go down pray to dem an do stuff fo dem, notting. Yoa God, Da One In Charge, wen make all dose tings! He give um to all da peopos inside da world.

Colosse 1:15

Jesus stay jalike one picha Fo show how God stay, No matta we no can see God. Jesus da Numba One Guy In charge a eryting God wen make.

Colosse 2:9

Eryting how God stay, stay inside Christ body too, an Christ, he one guy jalike us.

1 Timoty 1:17

God, he da King foeva. He no can mahke. Nobody can see him fo real kine. He da ony God. Dass why us guys like tell him we get respeck fo him, an he stay awesome foeva an eva. Dass right!

1 Timoty 6:16

He da ony One dat no can mahke. He real good, az why no can come nea him, Jalike one real strong light you no can look at. No mo nobody eva see him, An no mo nobody can see him fo real kine. You know, he da God erybody gotta get plenny respeck fo. He get all da powa foeva! Az it!

Hebrews 11:27

Cuz Moses wen trus God, dass why he go outa Egypt. An wen he go, he no sked da king, no matta da king plenny huhu wit him. Moses wen hang in dea, cuz jalike he see God, da One nobody can see.

Hebrews 9:14

Kay den, da Good An Spesho Spirit dat stay aroun foeva wen help Christ bleed an mahke fo us guys. Christ wen give up his body to God fo make one sacrifice, jalike one pries give God one perfeck animal dat no mo notting wrong wit um fo make one sacrifice. So den, da kine sacrifice Christ wen make get way mo powa den da kine sacrifice from befo time. Az cuz Christ was da sacrifice, an he hemo da shame us guys get inside. Az why we no goin do da bad kine stuff dat cut us off from God no moa. An den we goin work fo God, da One dat stay alive fo real kine.