Prieses 8:13 - Hawaii Pidgin Bible

¹³ Den he bring Aaron boys in front da peopo, put da shirts on top dem, tie da wide cloth belts aroun dem, an put da pries kine hats on top dea head, jalike Da One In Charge tell Moses fo do.

Prieses 8:13 ပူးပေါင်းရင်းမြစ်များ

Songs 132:9

Us guys like peopo fo see, Dat even da kine spesho clotheses Yoa pries guys wear, Make erybody tink bout wass right! Us like da peopo dat stay spesho fo you Sing cuz dey stay real good inside!”

Outa Egypt 40:13

Den put da spesho pries kine clotheses on top Aaron. Put da spesho oil on top him, fo make him spesho fo me, cuz he goin be one pries fo me.

Outa Egypt 40:16

Moses do eryting jalike Da One In Charge wen tell him fo do.

Isaiah 61:10

I stay feel plenny good inside cuz a Da One In Charge. I feel real good cuz a my God. Cuz jalike he give me clotheses fo wear Dat show he da One get me outa trouble, An jalike he give me one nice robe Fo show I get um right wit him. I feel jalike one guy dat goin get married An wear one fancy hat jalike da pries guys, An I feel jalike da lady dat goin marry too, An wear all kine jewelry!

Isaiah 61:6

But you guys, peopo goin call you “Prieses fo Da One In Charge.” Dey goin call you guys “Helpa guys fo oua God.” You guys goin get plenny food From da odda countries, An talk big cuz a da awesome tings dey get An you goin get um too.

Ezekiel 42:14

Wen da pries guys go inside da place dat stay spesho fo God, dey no go inside da outside open lanai fo da Temple till dey leave da clotheses ova dea dat dey wear fo work fo God. Dey do dat cuz dose clotheses stay spesho fo God. Dey change clothes. Den dey can go nea da places wea get da regula kine peopo.”

Prieses 10:5

So dey come carry dem outside da camp by dea spesho shirts, jalike Moses tell dem fo do.

1 Peter 2:5

Eh, you guys, come tight wit Christ fo God use you guys too, jalike you guys da stones fo make one place fo God Spirit. An you guys stay alive fo real kine too, jalike Christ. All you guys goin be jalike pries guys dat stay spesho fo God. Jalike you guys goin give sacrifices to God, da kine sacrifices God like, cuz Jesus Christ wen mahke fo all you guys.

1 Peter 2:9

But you guys da one God wen pick. You da pries guys fo da King. You guys da peopo dat stay spesho fo God. God tell, “Dey mines!” bout you guys, fo you guys tell erybody all da good stuff God wen do. He tell you guys fo come outa da bad kine stuff an stick wit da good kine stuff he like us fo do. Jalike you wen go outa da dark an come inside da awesome light.

Jesus Show 1:6

Christ wen come da king fo us guys, An make us all come prieses Fo work fo God, his Faddah. We goin tell how awesome he stay. He get powa foeva an eva! Dass it!

Jesus Show 5:10

You make um come God peopo, Fo come prieses an work fo oua God, cuz he dea King, An fo come king an queen guys wit God, An dey goin lead all da peopo inside da world.”