Prieses 8:12 - Hawaii Pidgin Bible

¹² He pour some a da spesho oil on top Aaron head too, fo show dat God wen pick him, an fo make him spesho fo God.

Prieses 8:12 ပူးပေါင်းရင်းမြစ်များ

Songs 133:2

Wen erybody stick togedda Jalike dey one, Dass jalike wen somebody put oil On top yoa head fo show aloha. Az jalike da time Moses wen make Aaron da firs Main Pries Guy, An he pour da spesho kine olive oil On top Aaron head, An da oil drip down his beard To da collar a da robe.

Outa Egypt 28:41

Afta you put all dis clotheses on top yoa braddah Aaron an his boys, put olive oil on top dea head fo show I wen pick dem. Make dem spesho fo me, an give dem da kuleana fo be prieses an work fo me.

Outa Egypt 29:7

Da spesho olive oil fo show dat Aaron da guy I wen pick, pour um on top his head.

Outa Egypt 30:30

Put da spesho oil on top Aaron an his boys fo make dem come spesho fo me. Dey goin be da pries guys fo me.”

Prieses 10:7

But you guys, no go way from wea peopo go inside da open lanai fo da Tent Wea Da Peopo Come Fo Meet God, o you goin mahke, cuz you get Da One In Charge oil on top you fo come prieses.” So dey make jalike Moses tell um fo do.

Prieses 4:3

“If da guy dat do someting bad stay da Main Pries Guy dat me Da One In Charge wen pick, dat goin put da blame on all da peopo. So da pries guy gotta bring one boy kine calf fo me, dat no mo notting wrong wit um. He gotta make one sacrifice fo me cuz he da Main Pries Guy, an he da one wen do someting bad.

Prieses 7:36

Da day me Da One In Charge wen pick da pries guys, an Moses put oil on top dea heads fo show dat dey stay pries guys, I tell da Israel peopo fo give dem dis kine stuff, az dea part from da sacrifice. Dass da rule fo da peopo dat stay alive now an fo dea kids foeva.”

Prieses 8:30

Den Moses take some a da spesho kine olive oil an some a da blood from da altar, an sprinkle um on top Aaron an his clotheses, an on top Aaron boys an dea clotheses. Az how he make Aaron an his clotheses spesho fo God. Same ting, he make Aaron boys an dea clotheses spesho fo God.