Prieses 5:4 - Hawaii Pidgin Bible

⁴ “O maybe somebody make one strong kine promise fo do someting, no matta good o bad, but he no tink bout um befo he make da promise. No matta he foget da promise, wateva kine ting he do lidat, wen he find out bout um, he still yet get da blame.

Prieses 5:4 ပူးပေါင်းရင်းမြစ်များ

2 Samuel 21:7

Da king no let dem kill Mefiboshet, da one dat was Jonathan boy an Saul grankid. Cuz David an Jonathan, Saul boy, wen make one strong promise in front Da One In Charge fo help each odda.

2 Kings 6:31

He tell, “Elisha gotta mahke today! If not, I like God do someting even mo bad to me!”

Songs 106:33

Dey no like do wat God Spirit Tell um fo do. Cuz a dat, Moses come huhu An tell stuff dass not good fo tell.

Prieses 5:13

Az how da pries guy make da guy come pono one mo time wit me, cuz a da bad ting he wen do. An I goin let him go an hemo his shame. Da odda part a da sacrifice goin be fo da pries guy, jalike wit da wheat an barley kine sacrifice.”

Prieses 5:3

“O maybe somebody touch someting dat come outa anodda guy body an make um so he no can come in front me, Da One In Charge, o any odda kine ting dat make um so he no can come in front me, Da One In Charge. Den, no matta if da guy donno he wen touch um, wen he find out bout um, he still yet goin get da blame.

Census 30:6

“If she marry afta she make one strong promise, o afta she make one promise fo do someting stupid,

Census 30:8

But if her husban hear bout um, an dat same day he tell her she no can do um, den eryting dat she wen promise fo do, she no can do um. He make um so she no can keep her promise. If goin be lidat, Da One In Charge goin let her go.

Matthew 14:7

He tell her, “Wateva you like, I swea to God I goin give um to you.”

Matthew 14:9

Dis ting she aks fo bodda King Herod real plenny. But he wen swea to God in front all his frenz, so he tell his guys, “Go do um.”

Jesus Guys 23:12

Wen da sun come up, da Jew guys come togedda an make one plan bout Paul. Dey make one promise dat dey no goin eat o drink notting till dey kill um.

Joshua 2:14

Da Israel guys tell her, “Us guys promise, dat if yoa ohana mahke, den us two guys goin mahke too. If you no tell nobody wat us guys wen come hea fo do, fo shua us guys make one strong promise fo take kea yoa ohana, wen Da One In Charge give us dis land.”

Joshua 9:15

Den Joshua make one deal wit dem fo come dea frenz an let um stay alive, an da leada guys make one strong promise fo keep da deal, fo erybody know dat dey goin do um.

Local Leadas 11:31

den wateva come out da door from my house fo meet me wen I go back, afta we win ova da Ammon guys, I goin give um to Da One In Charge fo come one burn up kine sacrifice!”

Local Leadas 21:18

Us guys no can give dem oua girls fo come dea wifes, cuz us Israel guys wen make da strong promise: ‘Anybody give dea girl fo come da wife fo one Benjamin guy, dey get kahuna on top dem!’

Local Leadas 21:7

How we goin find wifes fo da Benjamin guys dat still stay alive? Cuz us guys wen make one strong promise in front Da One In Charge fo no give da Benjamin guys oua girls fo marry!”

Local Leadas 9:19

Maybe az true an az da right ting fo do. Den wat you guys wen do today show you guys get respeck fo Jerub-Baal an his ohana. Den let Abimelek make you guys stay good inside, an you guys make him stay good inside too!

1 Samuel 1:11

Hannah make one strong promise to God. She tell, “Eh, you Da One In Charge, Da God Ova All Da Armies, You awesome! An I yoa slave! You know how plenny I stay suffa. So I like fo you no foget me! Take kea me! You my boss, az why. If you give me one boy bebe, I make dis promise: I goin hanai him ony fo you. An jus fo show dat he goin be yoa boy foeva, Nobody goin shave his head, eva!”

1 Samuel 25:22

So dis my plan fo kill da buggahs! An if get even one a his guys dat still stay alive morning time, den I like God make real bad to me, David, jalike I aks God fo make to da guys dat stay agains me!”