Prieses 5:2 - Hawaii Pidgin Bible

² “Maybe somebody touch someting dat make um fo no come in front me, Da One In Charge. Jalike dey touch da mahke wild animals, o mahke animals dat da peopo take kea a um, o mahke animals dat run aroun on top da groun. Even if da guy donno dat he wen touch um, he still yet get da blame an no can come in front me, Da One In Charge.

Prieses 5:2 ပူးပေါင်းရင်းမြစ်များ

Songs 19:12

How I goin undastan all da bad kine stuff I do Dat I donno I do? Eh God! No punish me fo dat! Let me go!

Isaiah 52:11

Get away! Get away! Get outa Babylon! No touch notting dat not spesho fo Da One In Charge! Get outa dea! Make shua you clean fo go inside da Temple fo pray! Dass cuz you guys stay carry da tings fo Da One In Charge Dat go inside da Temple.

Prieses 11:11

An cuz dey stay pilau fo you guys, you guys betta not eat dea meat, an you guys betta make dea mahke bodies jalike dey pilau fo you.

Prieses 11:8

You guys no can eat dea meat o touch dea mahke body, cuz dat goin make you guys so no can come in front me.

Prieses 4:13

“Maybe az all da Israel peopo togedda dat do someting bad befo dey tink bout um. Dey go do wat my rules tell dass kapu fo do. No matta dey donno dat da ting dey do az bad, still yet dey get da blame fo do um.

Prieses 5:17

“If somebody do someting bad, cuz he do wat my rules tell dass kapu fo him do, no matta da guy donno az wrong, he get da blame fo dat, an he goin get punish.

Prieses 5:3

“O maybe somebody touch someting dat come outa anodda guy body an make um so he no can come in front me, Da One In Charge, o any odda kine ting dat make um so he no can come in front me, Da One In Charge. Den, no matta if da guy donno he wen touch um, wen he find out bout um, he still yet goin get da blame.

Prieses 5:4

“O maybe somebody make one strong kine promise fo do someting, no matta good o bad, but he no tink bout um befo he make da promise. No matta he foget da promise, wateva kine ting he do lidat, wen he find out bout um, he still yet get da blame.

Prieses 7:21

Maybe somebody touch someting dat make um so no can come in front me. Maybe dey do someting dat make um so dey no can come in front me, no matta come from peopo o from one animal, o some odda ting dat I hate. Maybe dat guy dat no can come in front me eat meat from da sacrifice dat show dat me, Da One In Charge, an one guy stay tight wit each odda. If az wat happen, you gotta cut off da guy dat eat wat he not suppose to. Cut um off from his peopo. Cuz da sacrifice stay fo me, Da One In Charge.”

Haggai 2:13

Den Haggai tell, “Kay den. Wat if somebody stay pilau an no can go in front Da One In Charge cuz dey wen touch one mahke guy, an den dey touch one a dose food tings. You figga da ting dey touch goin come pilau, o wat?” Da pries guys tell, “Yeah. Goin come pilau.”

Census 19:22

Anyting one guy dat no can come in front me touch, dat ting come pilau too. Anybody touch dat kine guy, dey no can come in front me till da sun go down too.”

Luke 11:44

“Wassamatta you guys?! You guys mahke inside, jalike da graves dat da peopo no can see. An dey walk on top um cuz dey donno get one grave dea.”

2 Corint 6:17

Az why Da One In Charge tell dis inside da Bible, “Dass why you gotta get out from dem An no be jalike dem. Stay away from da tings dat make um fo you no pray. Den I goin bring you inside my ohana.

Rules Secon Time 14:8

Same ting fo da pig: you guys no can come in front God if you eat um, even if get split in da hoof all da way, cuz da pig no chew da food ova an ova. You guys no can eat dea meat o touch dea body wen dey mahke.