Prieses 26:5 - Hawaii Pidgin Bible

⁵ You guys goin stay shake da barley an wheat from da junk kine stuffs till time fo harves grape. An den da grape plants goin give fruit, till time fo plant seed one mo time. You guys goin eat all da food you like, an you goin stay shua you no need worry notting inside yoa land.

Prieses 26:5 ပူးပေါင်းရင်းမြစ်များ

Songs 144:13

We like oua food storage place stay full Fo give us all diffren kine stuff Wen we need um. We like oua sheeps an goats Get plenny bebes, Tousan times mo plenny Aroun oua towns, Ten tousan times mo plenny In da country side.

Songs 90:1

Eh Boss! From oua ancesta guys time till now, You jalike oua home!

Outa Egypt 16:8

Moses tell dis too: “Da One In Charge goin give you guys all da meat you can eat, sun down time, an all da bread you can eat, morning time. Dass cuz Da One In Charge hear you guys stay grumble bout him. Dat no mean notting fo me an Aaron, cuz you guys no stay grumble to us guys, you stay grumble bout Da One In Charge!”

Smart Guys 1:33

But da peopo dat lissen me, Dey goin stay good an notting goin hurt dem, An dey no need come all sked inside an shake all ova Cuz dey tink maybe someting bad goin happen.” Dass wat da wahine tell dat erytime know wat fo do.

Smart Guys 18:10

Wen da peopo dat stay do wass right Know fo shua, wat kine god Da One In Charge, Den Da One In Charge goin take kea dem. Jalike Da One In Charge one strong towa fo dem Wea dey can run inside fo hide.

Isaiah 1:19

If you guys like lissen, An tink da same ting jalike me, You goin eat all da good stuff from da land.

Isaiah 30:23

Da One In Charge goin sen rain Fo da seeds you guys goin plant inside da groun. Da food dat da groun bring up From da seeds you guys plant Goin be good kine, an goin get plenny. Dat time yoa cows goin get plenny fo eat Inside da big field.

Jeremiah 23:6

Wen he da king, da Judah peopo goin get outa trouble, An da Israel peopo goin know fo shua eryting stay okay. Dey all goin give dea king one name dat mean, ‘Da One In Charge, da one dat do right fo us guys erytime.’ ”

Hosea 2:18

Dat time I goin make one deal Wit da wild animals inside da fields, Da birds inside da sky, An da small animals dat move aroun on top da groun. I goin take away da bows an arrows, da swords, an wars from da land. Den erybody can live an no mo notting goin hurt dem.

Hosea 2:20

I goin marry you an you goin trus me. An you goin know who me fo shua, Da One In Charge.”

Joel 2:19

Da One In Charge goin ansa his peopo lidis: “Lissen up! I goin sen wheat an barley, new wine, an olive oil fo you guys, Enuff fo you guys come full. I no goin let da odda peopos talk bad bout you guys no moa.

Joel 2:22

Da wild animals no need come sked, Cuz da fields inside da boonies stay come green. Da trees stay make dea fruit, Da fig tree an da grape plant give plenny good kine fruits.

Joel 2:26

Now you guys goin get plenny food fo eat. You guys goin come full. You guys goin talk good bout yoa God, Da One In Charge. He wen do plenny good kine stuff fo you guys. You guys my peopo, an you no goin lose face one mo time.

Amos 9:13

An you know wat? Da One In Charge tell dis too: “Goin come da time, Wen dey plant stuff goin grow real fas. Da firs part goin be ready fo harves Befo dey even ready fo plant da odda part! Even wen time awready fo make ready da grape seeds Fo plant da nex time Dey still goin make lidat fo step all da grapes dey get Fo make wine, from da las time! Goin get real plenny juice from da fresh grapes Goin run down da hills An make da hills look jalike dey stay melt all ova da place!

Matthew 23:37

“Sad! You Jerusalem peopo! You guys stay kill da guys dat talk fo God, an throw stones fo kill da guys God sen by you guys. Plenny times I wen like bring you guys by me, jalike one muddah chicken bring togedda her bebe chickens unda her wings, but you guys no like come.

Jesus Guys 14:17

But he show dem who him cuz he do good stuff fo dem. He give you guys rain from da sky an plenny fruit fo harves time. He give you guys plenny food fo eat an make you guys come real good inside.’ ”

Rules Secon Time 11:15

I goin give grass inside da fields fo yoa animals, an you guys goin eat an come full.

1 Timoty 6:17

Tell da peopo dat get plenny money hea inside dis world fo no ack high makamaka, an fo no trus all da rich kine stuff dey get. Dey donno how much time all dat rich kine stuff goin stay. Mo betta dey trus God. He give us eryting fo make us stay good inside plenny.

1 Peter 1:5

You guys trus God, an he get plenny powa fo proteck you guys. He take kea you guys, an he no let nobody hemo you guys from him. Wen da las day come, he goin show how he wen get you guys outa da bad kine stuff you wen do.