Prieses 26:42 - Hawaii Pidgin Bible

⁴² den I no goin foget da deal I wen make wit dea ancesta guys Jacob, an Isaac, an Abraham, an I no goin foget da promise I wen make bout da land.

Prieses 26:42 ပူးပေါင်းရင်းမြစ်များ

Start 15:18

Right den an dea, Da One In Charge make one spesho deal fo Abram, an da sacrifice was da sign fo da deal. Da One In Charge tell Abram, “All dis land, from da Egypt borda to da big riva dey call Eufrates—all dis, I give um to da peopo dat goin come from you!

Start 26:2

Befo Isaac move Gerar, Da One In Charge let Isaac see him, an he tell Isaac, “No go Egypt side fo get stuff fo eat. Do wat I tell you fo do. Stay inside dis land.

Start 26:24

Da nite he get dea, Da One In Charge let Isaac see him. Da One In Charge tell um, “Me, I da God dat yoa faddah Abraham wen get love an respeck fo. So no sked, cuz I stay wit you. I goin give you da powa fo do eryting I like you fo do. I goin make choke plenny peopo come from you bumbye, cuz a da deal I wen make wit Abraham, da guy dat wen work fo me.”

Start 26:5

I goin do all dis cuz yoa faddah Abraham wen lissen me an do all da tings I tell um dat he gotta do, an eryting I teach um.”

Start 28:13

Den, inside da dream, Jacob see Da One In Charge stay standing way up on top da step in da sky. Da One In Charge tell, “Dis me, Da One In Charge. I da God dat yoa granfaddah Abraham an yoa faddah Isaac wen pray to. Dis same land wea you stay sleep tonite, I goin give um to you an to da peopo dat goin come from you bumbye.

Start 28:15

So you know wat? I stay wit you. I goin take kea you, ery place you goin go. Bumbye I goin bring you back hea, dis land. I no goin leave you behind. I make dis promise: I goin do eryting dat I tell you I goin do.”

Start 35:11

God tell Jacob dis too, “Me, Da God Dat Get All Da Powa. Born plenny kids. Come plenny peopo. One nation, an plenny odda nations, Dey all goin come from you. Even goin get king guys Dat goin come from yoa ohana too.

Start 35:12

Da land I wen give to Abraham an Isaac I give you dat same land. Da peopo dat goin come from you bumbye, I give dem dat land too.”

Start 9:15

Den you guys goin know dat I no foget Da deal I wen make fo you guys, An fo eryting dat stay alive. Dass why I no goin sen big watta bumbye Dat goin wipe out eryting dat stay alive.

Start 9:16

“Weneva da rainbow stay in da cloud, I goin look um, an I no goin foget da deal dat I wen make, dat stay foeva—me, God, I get dis deal wit all da tings dat stay alive on top da groun.”

Esther 4:14

But if you no tell notting dis time, some odda ting goin happen fo get da Jew guys outa dis anodda way. But you an yoa faddah ohana goin all mahke. Nobody know dis fo shua, but maybe az why you wen come inside da king ohana, jus fo dis one ting.”

Songs 106:45

Fo dem, God neva foget Da deal he wen make, An cuz he like stay real tight wit dem, He wen change his mind.

Songs 136:23

Us was nobody, but Da One In Charge Neva foget us guys, Cuz he stay tight wit his peopo foeva!

Outa Egypt 2:24

God hear how dey stay moaning, an he no foget da promise he wen make to Abraham an Isaac an Jacob.

Outa Egypt 6:5

“I hear how da Israel peopo stay moan, cuz da Egypt peopo stay make dem work fo dem. I no foget da promise I wen make wit dem.

Isaiah 14:1

Da One In Charge goin show pity fo da Jacob ohana, An he goin pick da Israel peopo one mo time Fo be his peopo. He goin let dem res on top dea land. Even peopo from anodda place goin come by da Jacob ohana peopo, An goin stay tight wit dem.

Ezekiel 16:60

But I no goin foget da deal I wen make wit you wen you was young. I no goin broke my strong promise I wen make wit you cuz dat one goin las foeva.

Joel 2:18

Den Da One In Charge goin go all out fo his land, An show pity fo his peopo.

Luke 1:72

He tell he goin give oua ancesta guys chance, An he no goin foget da spesho deal he wen make wit dem.

Rules Secon Time 4:31

Cuz yoa God, Da One In Charge, he give chance. He no goin leave you guys, o wipe you out, o foget da deal he wen make wit yoa ancesta guys, cuz he wen make one promise to dem dat fo shua he goin do wat he tell he goin do.

Rules Secon Time 9:27

No foget da guys dat wen work fo you, Abraham, Isaac, an Jacob. No leave us guys, jus cuz dis peopo hard head, an stay do real bad kine stuff.’

Local Leadas 2:1

One angel messenja guy from Da One In Charge go from Gilgal to Bokim. He tell da Israel guys, “I wen bring you guys outa Egypt to dis land. Az da land dat I wen make one strong promise fo give um to yoa ancesta guys. I wen tell, ‘No ways I goin broke da deal I wen make wit you guys!’