Prieses 26:36 - Hawaii Pidgin Bible

³⁶ “An fo all you peopo dat still yet stay alive dea, you guys goin stay inside da lands a da peopo dat stay agains you guys, an I goin make you guys stay sked ova dea. Wen da wind blow one leaf, an you guys hear um, goin make you guys so sked, you goin run away. You goin run jalike somebody stay chase you wit one sword, an you goin fall down, even wen nobody stay chase you.

Prieses 26:36 ပူးပေါင်းရင်းမြစ်များ

Start 35:5

Wen Jacob dem start fo go way from Shekem, God make da peopo inside all da odda towns aroun dea come real sked. Az why dey no go afta da Jacob ohana peopo fo kill um.

Start 4:12

Wen you try fo work da groun, da groun no goin give you back notting good. You no goin get one place fo live. From now, you gotta jus go from one place inside dis world to anodda place!”

2 Records 14:14

Da Judah guys wipe out all da towns aroun Gerar too, cuz Da One In Charge wen make da peopo from dose towns all come real sked an no can fight. Da Judah guys take all da rich stuffs dose towns get.

Job 13:25

You goin make me shake, o wat?! Jalike I one leaf dat da wind goin blow away? You goin chase afta da dry junk kine stuffs Dat da wind blow away, o wat?!

Songs 53:5

Bumbye, someting goin happen ova dea Fo make dem guys come real sked, Mo plenny sked den was befo time. Cuz wen da peopo dat stay agains you Put dea army camp in front you, You goin make dem all come shame. An God goin kill um An throw dea bones all ova da place, Cuz he tell “Laytas” to wat dey do.

Songs 53:6

Fo shua! I like God do someting— Da God dat stay Mount Zion side— Fo get da Israel peopo Outa trouble real quick! Cuz bumbye, Wen God make eryting come good One mo time fo his peopo, Erybody dat come from Jacob Goin yell cuz dey feel good, Dey da Israel ohana, An dey all goin come good inside!

Songs 89:43

Wen da king try fo use his sharp sword, Da sword go agains him! Wen he gotta fight, You no help notting.

Smart Guys 28:1

Da bad guys, dey run away Jalike somebody stay chase um, No matta no mo nobody chase um. But da peopo dat stay do wass right, Dey stay shua dey stay okay, Jalike one lion dat no sked notting.

Isaiah 30:17

One tousan a you guys goin run away Wen one a dea guys tell dat he goin hurt um. An if five a dea guys tell dat dey goin hurt you guys, All da res a you guys goin run away, Till you da ony one stay dea. Goin be jalike one pos Dass da ony ting stan on top one mountain, Jalike one flag on top da hill.

Isaiah 7:2

Somebody tell da David ohana guys Judah side, “Da Aram army guys wen go by da Efraim ohana land inside Israel an stay make camp all ova da place wit da Israel guys.” So Ahaz an his peopo, dey come real sked inside. Dey stay shake jalike how da trees shake inside one fores wen da wind blow um.

Isaiah 7:4

Tell Ahaz, ‘Watch out, but stay cool. No sked. Inside yoa heart, no lose fight! Fo shua, dose two kings, Rezin fo da Aram peopo, an Remaliah boy, dey stay all hot an huhu. But dey jalike two small stick inside da fire dat litto mo all burn out, but still yet dey get plenny smoke.

Jeremiah 37:10

Wen dey do dat, no goin matta you guys bus up all da Babylon army guys dat stay attack you guys! No goin matta da ony Babylon guys dat still stay alive stay hurt inside dea tents! Fo shua, even jus da ones dat stay hurt, still yet dey goin come aroun dis town an burn um up. You guys no can win, you know!”

Jeremiah 46:16

Da One In Charge wen make plenny army guys trip An fall down on top each odda. Dey goin tell each odda, ‘Stan up! Us go back by oua peopo, Da place we wen born, Away from da swords a da guys dat give us hard time.’

Sad Song 1:3

Da Judah peopo come prisonas an go far away, Afta dey get hard time an gotta work real hard. Dey live wit diffren kine peopos. Dey no mo place fo res. All da peopo dat chase dem Catch dem up wen dey get hard time.

Sad Song 1:6

All da awesome stuff dat da Zion peopo get befo time, gone awready. Da princes stay jalike one deer dat no mo notting fo eat. Dey stay too weak fo run away From da hunta guys dat chase um.

Sad Song 4:19

Da guys dat chase us guys run fas. Mo fas den da eagles inside da sky. Dey chase us ova da mountains. Dey wait fo jump us inside da boonies.

Ezekiel 21:12

“ ‘Eh! Fo Real Kine Guy! Yell an make big noise! Cuz da killa guy goin use dat sword agains my peopo. An all da leadas fo da Israel peopo goin get kill too. Az why you gotta poun yoa ches Fo show you stay bum out an sore inside.

Ezekiel 21:15

Dis goin happen fo erybody come sked, An plenny peopo goin mahke. I put da guy wit da sword in da place fo kill plenny peopo By all da town gates. Bummahs fo dem! I make da sword shine jalike da lightning! Da guy grab um fo kill peopo.

Ezekiel 21:7

Wen dey tell, ‘How come you stay moaning?’ you goin tell, ‘I stay moaning cuz a da bad kine stuff I stay hear. Erybody goin lose fight. Dea hands goin come weak. Inside, dey all goin give up, an dey goin piss dea pants cuz dey sked. Bad kine stuff goin happen fo shua!’ ” Az wat me Da One In Charge, da Boss, tell.

Hosea 8:3

But da Israel peopo like throw out wat stay good. Dass why da peopo dat stay agains dem goin go afta dem.

Prieses 26:17

I goin go agains you guys fo da guys dat stay agains you guys win ova you guys an come yoa boss. You guys goin run away, even wen no mo nobody stay chase you.

Prieses 26:35

All da time da land stay good fo notting, da land stay res. Wen you guys stay dea, da land neva res.

Rules Secon Time 1:44

But da Amor peopo dat live inside dose hills come outa dea towns fo fight you guys. Dey make you guys run away, jalike dey plenny bees. Dey bus up you guys all da way from da Seir Range to Hormah town.

Joshua 5:1

Dat time, da Amor peopo live da west side a da Jordan Riva. Da Canaan peopo live on da coast. Da king guys fo da Amor peopo an da Canaan peopo hear how Da One In Charge wen make da Jordan Riva come dry, fo us Israel peopo go across um. Az why dey wen come bum out. Dey lose fight an no like beef da Israel peopo.

Joshua 7:5

Da Ai guys chase um from in front da town gate an down da hill, to da place wea dey cut stone blocks. Dey kill bout thirty-six a da Israel guys. Den da odda Israel guys come bum out an lose fight, jalike dea heart come weak.

1 Samuel 17:24

Wen da Israel guys see Goliat, dey come real sked an dey all pull back from him.