Prieses 26:32 - Hawaii Pidgin Bible

³² I goin bus up yoa land, so dat da guys dat stay agains you guys no goin feel good wen dey go dea fo take ova.

Prieses 26:32 ပူးပေါင်းရင်းမြစ်များ

1 Kings 9:8

Dis Temple goin come one big mess jalike one rubbish pile. Erybody dat pass by dea no goin tink wat dey see az fo real. Dey goin tell, ‘How come Da One In Charge wen do dis to da land an da Temple?!’

Isaiah 24:1

Da One In Charge, he stay ready fo wipe out da whole world An make um come empty! He goin change da mountains an valleys An all da peopo goin go all ova da place.

Isaiah 5:6

I goin make um jalike da boonies wea no mo notting. Nobody goin trim um, o hoe hana da weeds. Plenny stickas an thorn bushes goin grow dea. I goin tell da clouds Fo no let um rain on top um.

Isaiah 5:9

Da One In Charge, Da God Ova All Da Armies, He talk fo me hear um: ‘Fo shua, goin get plenny big house ova dea, But goin be kinda skery, Cuz no mo nobody inside um. Get nice big kine house But no mo peopo live inside dem.

Isaiah 6:11

Den I aks him, “Boss, how long I gotta do dat?” An he tell, “Till all da towns stay all bus up An no mo peopo live dea, An all da house no mo peopo inside, An all da land stay dry an all wipe out.

Isaiah 64:10

Da towns dat stay spesho fo you, Now no mo notting dea. Even on top Mount Zion, no mo notting! Yoa main town, Jerusalem, Stay all bus up!

Jeremiah 12:11

Goin come one wasted place. Make me come sore inside wen I see dat empty land. Da whole land stay bus up Cuz no mo nobody kea bout um.

Jeremiah 18:16

Odda peopo goin bus up dea land. Odda peopo goin come shock erytime dey see um. Erybody dat go by dea goin come bum out. Dey goin shake dea heads cuz all bus up da land.

Jeremiah 19:8

I goin bus up dis big town so no goin get notting dea, an peopo goin come shock wen dey see um. Erybody dat pass by dea goin come bum out. Dey goin come shock cuz da town stay all bus up.

Jeremiah 25:11

Dis whole land goin come dry an no goin get nobody live ova dea. Anybody go by dea goin come shock. All dese peopos goin work hard fo da Babylon king fo seventy year.” Az wat Da One In Charge tell.

Jeremiah 25:18

I give um to da Jerusalem peopo, an da peopo inside da towns inside Judah, an dea king guys an leada guys. Az fo make dem come wipe out, an make dea peopo come bum out, an come shock an shake dea head, an put kahuna on top dem—jalike how dey stay today.

Jeremiah 25:38

Jalike one lion leave da place wea he stay hide fo hunt, Da One In Charge goin go out lidat too! Az why dat land goin come one skery place fo live. Cuz da guys dat like put presha on dem, Goin bus um up wit swords, An cuz Da One In Charge stay real huhu.”

Jeremiah 33:10

Dis wat Da One In Charge tell: “You guys still goin hear stuff bout dis place. Peopo talk bout how stay all bus up, an no mo peopo o animals. But inside da towns Judah side an da Jerusalem streets dat befo time stay all bus up an no mo peopo o animals ova dea,

Jeremiah 44:2

Jeremiah tell: “Dis wat Da One In Charge, da God Ova All Da Armies, da God fo da Israel peopo tell: ‘You guys wen see all da bad kine stuff I make happen to Jerusalem an all da Judah towns. Now dey stay all bus up, an no mo nobody live ova dea!

Jeremiah 44:22

You guys all da time wen do da worses pilau kine stuff eva. But Da One In Charge, he had it awready wit you guys. Az how come yoa land come all wipe out. An dass goin get one bad rep dat peopo like use fo put kahuna on top somebody, cuz no mo peopo live ova dea. An dass how stay today.

Jeremiah 9:11

Da One In Charge tell, “I goin make Jerusalem town come one rubbish pile. Ony goin get wild jackal dogs ova dea. I goin wipe out da Judah towns Fo no mo nobody live ova dea.”

Sad Song 4:12

Da king guys all ova da world No tink az fo real, An peopo all ova da world No tink az fo real, Dat da peopo Dat stay agains da Jerusalem peopo Can go inside da Jerusalem wall.

Sad Song 5:18

No mo notting stay on top da Temple hill dat dey call Mount Zion. Ony da wild jackal kine dogs go aroun dea.

Ezekiel 5:15

Da nations aroun you goin tell how pilau you guys town stay an make fun a you guys town. Dey goin see dat dey betta not make jalike you guys. An dey goin come sked cuz dey no like come jalike you guys afta I punish you guys. I stay huhu, I tell ‘Laytas’ to da stuff you guys do, an I give you guys scoldings. Me, Da One In Charge, I da one tell dis.

Daniel 9:18

“God, try lissen. An try open yoa eyes an look how us stay all bus up! Try look yoa bus up big town, Jerusalem, dat carry yoa name! Cuz us stay pray an aks you fo do dis. Az not cuz us guys do da right kine stuff, but cuz you give plenny chance!

Daniel 9:2

Da firs year he stay king, me, Daniel, I stay study my books bout God dat year. I try fo figga out wat Da One In Charge mean, wen he tell Jeremiah, da guy dat talk fo him, dat afta Jerusalem come bus up an erybody bag, den Jerusalem goin stay all bus up fo seventy year.

Habakkuk 3:17

No matta da fig tree no mo bud, No matta da grape plant no mo grape, No matta da olive tree no mo olive, No matta da fields no mo food, No matta da sheeps Mahke inside da pens, No matta da pens no mo cows,

Luke 21:20

“Wen you guys see Jerusalem town wit da army guys all aroun dea, you goin know dat da time stay nea wen dey goin bus up Jerusalem.

Rules Secon Time 28:37

All da peopos ova dea wea Da One In Charge make you guys go, dey goin tink you guys horraz cuz a wat wen happen to you. Dey goin talk bout you guys fo make dea peopo tink plenny, an dey goin make fun a you guys.