Prieses 26:31 - Hawaii Pidgin Bible

³¹ I goin make yoa towns come all bus up, an wipe out da places you make spesho fo yoa gods. I no goin feel good inside notting from da nice smell you guys make wit yoa sacrifices.

Prieses 26:31 ပူးပေါင်းရင်းမြစ်များ

Start 8:21

Da One In Charge, he smell da nice smell from da sacrifice an he stay good inside. He tell, “Dis da las time I goin make one bad ting happen to da groun cuz a da peopo. Cuz from small kid time, weneva da peopo make one plan, dey ony like do bad kine stuff. But I no goin wipe out eryting dat stay alive one mo time, da way I wen do um dis time.

2 Kings 22:19

Me, Da One In Charge! Josiah, I know you stay sorry, an you no ack big in front me. An you hear wat I wen tell bout dis place an bout da peopo dat live hea—dat I goin wipe um out, so odda peopo goin talk bout dis place wen dey like put kahuna on top somebody. An I know you wen rip yoa clotheses, an cry in front me. Az why I wen lissen an hear you. Dis wat me, Da One In Charge, tell.

2 Records 36:19

Dey burn down da Temple Fo God an broke down da Jerusalem wall. Dey burn da big houses dat get strong wall, an wipe out eryting nice inside dea.

Nehemiah 1:3

Dey tell me, “Da Babylon king wen take away oua peopo from dea land an bring um ova hea Babylon side. Laytas, plenny peopo wen go back Jerusalem side fo live inside Judah. But tings no stay good ova dea you know. Cuz stay real hard fo dem, an da odda peopos ova dea stay make dem plenny shame. Da Babylon army guys wen broke down da strong wall aroun Jerusalem town, an burn down da gates.

Nehemiah 2:17

But laytas, I tell all da guys, “You guys, you see da trouble we get. Jerusalem town stay all bus up. Da town gates all burn up. Eh you guys! We gotta do someting! We goin build da Jerusalem town wall one mo time. Shame, dis! Wen we pau, no mo shame!”

Nehemiah 2:3

But I tell da King, “You da King, an I like you stay live foeva! But how I can stan hea an no stay sad?! Cuz da big town wea my ancesta guys stay bury, stay all bus up. Da main gates fo da town, all burn down.”

Isaiah 1:7

You guys land, nobody can live dea. Yoa big towns stay all burn up. You see da odda peopo take away All yoa food from yoa fields an eat um. An peopo from odda places take um ova.

Isaiah 6:11

Den I aks him, “Boss, how long I gotta do dat?” An he tell, “Till all da towns stay all bus up An no mo peopo live dea, An all da house no mo peopo inside, An all da land stay dry an all wipe out.

Isaiah 63:18

Ony short time, befo time, Da peopo dat stay spesho fo you Wen own da land. But now, da peopo dat stay make trouble fo us guys, Da Temple Dat Stay Spesho Fo You, Dey walk all ova um an broke um down, An make um fo nobody use um.

Isaiah 64:9

Eh! Da One In Charge, no stay mo huhu wit us guys, Mo den us can handle! No rememba foeva da bad kine stuff we wen do. Look at us, cuz all us guys, yoa peopo.

Isaiah 66:3

But da odda kine guys, Dey do wat dey goin do, An feel real good inside Wen dey stay do dat kine pilau stuff. Wit dem, wen dey kill one cow fo make sacrifice, Az bad, cuz az jalike dey wen kill one guy. Wen dey kill one bebe sheep fo make sacrifice, Az bad, cuz az jalike dey wen broke one dog neck. Wen dey give one wheat offering, Az bad, cuz az jalike dey wen give pig blood fo make sacrifice. Wen dey burn incense fo God no foget dem, Az bad, cuz az jalike dey stay talk good bout dea idol kine god.

Jeremiah 22:5

But if you guys make deaf ear all dis stuff dat I tell, den me, Da One In Charge, I promise I goin do dis fo shua—I goin make dis palace come all bus up.’ ”

Jeremiah 26:6

den I goin make dis Temple come one uku pile a rocks jalike Shiloh town! I goin make dis Jerusalem town da kine place dat all da peopos on top da earth goin talk bad bout wen dey put kahuna on top somebody an tell, ‘I like you come all bus up, jalike Jerusalem town!’ ”

Jeremiah 26:9

How come you stay use Da One In Charge name an tell dat you stay talk fo him, but you stay tell dat dis Temple goin come jalike Shiloh town, an dat dis Jerusalem town goin come wipe out an no mo nobody goin live hea?!” An all da peopo wen come togedda agains Jeremiah in front da Temple Fo Da One In Charge.

Jeremiah 4:26

I look, an da land dat wen get plenny fruits, Now ony get boonies dea. All da towns stay bus up, Cuz Da One In Charge stay real huhu.”

Jeremiah 4:27

Dis wat Da One In Charge tell: “All da land goin come bus up fo nobody live dea. But I no goin wipe all dem out.

Jeremiah 4:7

“Get one guy, Jalike he one lion dat come outa da place he hide. His army guys goin wipe out plenny peopos. Dey wen go way from dea place Fo come wase yoa land An make erybody come bum out. Yoa towns goin come all bus up Cuz no mo nobody goin stay ova dea.

Jeremiah 44:2

Jeremiah tell: “Dis wat Da One In Charge, da God Ova All Da Armies, da God fo da Israel peopo tell: ‘You guys wen see all da bad kine stuff I make happen to Jerusalem an all da Judah towns. Now dey stay all bus up, an no mo nobody live ova dea!

Jeremiah 44:6

Az why I come real huhu agains da peopo inside da Judah towns an on top da Jerusalem streets. Cuz I wen get mad, da towns stay all bus up an no mo peopo dea now.’

Jeremiah 52:13

Him an his guys burn down da Temple Fo Da One In Charge, da king palace, an all da houses inside Jerusalem, wea da importan peopo live befo time.

Jeremiah 9:11

Da One In Charge tell, “I goin make Jerusalem town come one rubbish pile. Ony goin get wild jackal dogs ova dea. I goin wipe out da Judah towns Fo no mo nobody live ova dea.”

Sad Song 1:1

Jerusalem town stay all empty! Befo time get plenny peopo dea. Befo time, Jerusalem was jalike one importan lady, But now, come jalike one widow! Befo time, from all da districks, Jerusalem was jalike dea princess, But now, jalike one slave!

Sad Song 1:10

Da guys dat stay agains us Jerusalem peopo Wen grab all oua rich kine stuffs! Dey see da odda peopos dat donno you, God, Da ones you tell no can go inside da place Dat stay spesho fo you.

Sad Song 2:6

He wase his Temple, Jalike was one shack inside one grape field. He wipe out da spesho place wea da peopo meet him. Da One In Charge make his Zion peopo foget Da spesho religious ceremonies an da Res Days. He tell “Laytas” to wat da king o da pries guys do, Cuz he stay real huhu.

Sad Song 2:7

Da Boss tell “Laytas” to his altar. He bag from da Place Dat Stay Spesho Fo Him. He let da peopo dat stay agains us guys Take ova da palace walls. Dey make noise inside da Temple Fo Da One In Charge Jalike wen get da spesho religious ceremonies.

Ezekiel 12:20

Da towns wea da peopo live goin come wasted, an no mo notting goin stay ova dea. Den you guys goin know dat me Da One In Charge.’ ”

Ezekiel 21:15

Dis goin happen fo erybody come sked, An plenny peopo goin mahke. I put da guy wit da sword in da place fo kill plenny peopo By all da town gates. Bummahs fo dem! I make da sword shine jalike da lightning! Da guy grab um fo kill peopo.

Ezekiel 21:7

Wen dey tell, ‘How come you stay moaning?’ you goin tell, ‘I stay moaning cuz a da bad kine stuff I stay hear. Erybody goin lose fight. Dea hands goin come weak. Inside, dey all goin give up, an dey goin piss dea pants cuz dey sked. Bad kine stuff goin happen fo shua!’ ” Az wat me Da One In Charge, da Boss, tell.

Ezekiel 24:21

fo tell da Israel ohana peopo dis message: Lissen up! I almos ready fo make pilau da place dat stay spesho fo me. Dass my Temple! Az da place wea you guys feel proud, cuz you figga dat place goin proteck you, az da place you like da bestes, an az da place you get plenny love an aloha fo. But wen da Babylon guys make you guys prisonas an take you away, yoa boys an girls you no can take wit you, goin get kill wit swords!

Ezekiel 6:6

Wea eva you guys live, I goin wase da towns, an wipe out da sacrifice places. Cuz a dat, yoa altars goin come wasted. I goin smash yoa idol kine gods, an broke yoa incense altars, an wipe out da stuff you guys wen make.

Ezekiel 9:6

Kill ol guys, young guys, teenage girls, kids an wahines. But all da guys dat get da mark on dem, stay away from dem. Da firs place you go, go da spesho place dass fo ony me.” So da firs peopo dey kill goin be da older leada guys dat stay in front da Temple.

Daniel 2:46

Den King Nebukadnezzar go down an put his face on top da groun in front Daniel, an show him respeck. He tell his guys fo give wheat an barley an incense to Daniel, fo Daniel make one sacrifice to God.

Amos 7:9

Da One In Charge tell dis too: “Da places on top da hills Wea da ohana dat come from Isaac go fo pray, I goin broke um down. Da places da Israel peopo build fo be spesho fo me, Goin come one rock pile. Da peopo from da King Jeroboam ohana, I goin sen army guys fo go afta dem wit swords!”

Micah 3:12

Fo shua, cuz a you guys, Da peopo dat stay agains us goin plow Mount Zion jalike az one field. Jerusalem town goin come all bus up. Da hill wea da Temple Fo God stay, Goin get ony bushes all ova.”

Zefaniah 3:6

Da One In Charge tell: “I wen wipe out plenny peopos. Dea big towns dat get strong wall stay all bus up. No mo nobody stay inside dea streets. No mo nobody go thru dea. Dea big towns stay all wipe out. No mo nobody stay dea.

Luke 21:24

Peopo goin kill some wit swords, an take oddas away. Peopo all ova da world goin make um prisonas. Da peopos dass not Jew guys goin bus up Jerusalem an walk all ova um, till dea time pau.

Jesus Guys 6:14

We hear him tell dat da guy Jesus from Nazaret goin broke down da Temple an goin change all da stuff Moses tell us fo do!”

Hebrews 10:26

But you know, even afta we know da true stuff from God, an if we stay do da bad kine stuff still yet cuz we like, den no mo sacrifice fo hemo da shame fo all da bad kine stuff we stay do.