Prieses 26:20 - Hawaii Pidgin Bible

²⁰ You guys goin bus ass fo notting, cuz yoa land no goin grow notting, an da trees on top yoa land no goin give fruits.

Prieses 26:20 ပူးပေါင်းရင်းမြစ်များ

Start 4:12

Wen you try fo work da groun, da groun no goin give you back notting good. You no goin get one place fo live. From now, you gotta jus go from one place inside dis world to anodda place!”

1 Kings 18:2

Az why Elijah go back Israel side, fo Ahab see him an know dat he dea awready. Dat time, no mo food Samaria side, an hard fo da peopo dea.

Job 31:40

Den I like da thorns come up an not da wheat, An da weeds come up an not da barley!” Dass it, wat Job tell.

Songs 107:34

God make da kine land dat grow plenny fruits Come all mud, Cuz da peopo dat live dea do bad kine stuff.

Songs 127:1

Poho da builda guys build one house, An Da One In Charge Not da one dat build um. Poho da security guard, Dat guard da town, An Da One In Charge Not da one dat watch um.

Isaiah 17:10

Fo shua you guys foget bout God No matta he da One dat get you guys outa trouble. You no even rememba Dat he jalike one big rock fo you hide dea. Dass why you stay plant nice plants fo da god Adonis An da gods from anodda place.

Isaiah 17:11

No matta you put one fence Da same day you plant um, An da nex morning you make da seed start fo grow, You goin get ony junk kine plants From da seed you plant, Cuz you goin get one sick dat nobody can make come good, An you goin hurt plenny.

Isaiah 49:4

But I tell, “All da hard work I wen do, No mean notting! I stay strong befo time, But now, I stay all wore out Fo notting! But fo shua, Da One In Charge, he da judge fo tell If az ony wase time, o not. My God, he da One goin pay me.”

Jeremiah 12:13

Da peopo goin plant wheat But ony thorns dey goin harves. Dey bus ass an come tired, But dea work no goin help dem notting. I like fo dem come shame cuz no mo wheat fo harves, Cuz Da One In Charge stay real huhu wit dem!”

Hosea 2:11

I goin stop all her religious ceremonies, Da spesho times she make ery year, Da new moon spesho times, da Res Days, An all da odda spesho religious ceremonies.

Prieses 26:4

den I goin sen rain da right times fo you guys. Da groun goin grow food, an da trees inside da field goin give you fruits.

Habakkuk 2:13

Look! Fo shua, Da One In Charge, da God Ova All Da Armies, He make dis happen: Da peopos bus ass, But wat dey build ony goin burn up. Dey goin come real tired fo notting!

Haggai 2:16

Dat time, you guys wen tink you goin harves twenny bag wheat, but wen you get dea, az ony ten bag. You guys go one place fo step da grapes fo make fifty gallon wine, but you get ony twenny gallon dea.

1 Corint 3:6

Was me dat tell you guys bout Christ firs time. Dass jalike I wen plant da seed. Den Apollos wen come teach you guys. Dass jalike he watta da seed I wen plant. But God, he da One dat make um grow!

Galatia 4:11

I stay sked fo you guys, cuz I wen work hard fo you guys fo notting. Poho! Wase time all dis!

Rules Secon Time 11:17

Cuz if you guys no lissen me, Da One In Charge, I goin come real huhu agains you guys, an I goin shut da sky fo stop da rain, an da groun no goin grow food. Den you guys goin mahke real quick cuz no mo food, no matta you live on top da good land dat I stay give you guys.

Rules Secon Time 28:18

“God goin put kahuna on top you guys wen you born kids, wen you harves da food you grow, an wen yoa cows an sheeps born bebes.

Rules Secon Time 28:42

Plenny crickets goin take ova all yoa trees an eat da food from yoa land.

Rules Secon Time 32:22

I stay huhu jalike one fire dat stay burn. Da fire dat burn all da way To da bottom a da Mahke Peopo Place, Goin burn up da earth an da food dat grow on top um. Goin burn up da foundations fo da mountains.