Prieses 24:16 - Hawaii Pidgin Bible

¹⁶ Whoeva talk bad bout my name, Da One In Charge, gotta mahke. All da peopo goin throw stone at dem fo kill dem. No matta dey one guy from anodda place dat live wit you guys, o one Israel guy, if dey talk bad bout my name, you guys gotta kill um.

Prieses 24:16 ပူးပေါင်းရင်းမြစ်များ

2 Samuel 6:2

Him an all his guys go out to Baalah town Judah side, fo bring to Jerusalem da Box Fo No Foget Da Deal Wit God. Dat Box stay fo make peopo no foget wat kine god Da One In Charge, Da God Ova All Da Armies. He da One get his throne inside da middo a da two spesho angel watcha guy statues dat stay on top da Box.

Songs 139:20

Dem guys, da ony time Dey talk bout you, Az wen dey like scam somebody. Dey use yoa name fo do Any kine pilau kine stuff, Cuz dey stay agains you.

Songs 74:10

God, how long mo dey goin Make us come shame, Da guys dat stay fight wit us?! Da guys dat come agains us, Dey goin talk bad bout you Fo give you one bad rep, o wat?!

Songs 74:18

Eh! You Da One In Charge! Try no foget dis— Da peopo dat stay agains you, Dey like make you come shame. Da stupid peopo dat tink You not importan, Dey talk bad bout who you.

Outa Egypt 20:7

“No go use my name an ack jalike dat give you da right fo do any kine stuff. Cuz me Da One In Charge, an anybody use my name fo do any kine stuff, no way I goin let dem go an no punish um.

Outa Egypt 22:28

You betta not tell bad tings bout me, yoa God. You betta not tell me, yoa God, fo put kahuna on top da leadas fo yoa peopo.

Prieses 20:2

fo tell da Israel peopo dis: “Any Israel guy, o any guy from anodda place dat stay live wit da Israel guys, if dey give any a dea kids fo make um go inside da fire fo come one sacrifice fo da idol kine god Molek, dey gotta mahke. Da Israel peopo gotta throw stone fo kill um.

Matthew 12:31

Dass why I stay tell you guys, God goin let peopo go an hemo dea shame fo all da kine bad stuff dey stay do, no matta dey talk bad. But if dey talk bad bout da Good An Spesho Spirit, he no goin hemo da shame fo dat an let um go.

Matthew 26:66

Wat you guys tink?” Dey all tell, “He gotta mahke!”

Mark 14:64

You guys wen hear da bad kine stuff he tell bout God, o wat?! Wat you guys figga?” Dey all tell, “He talk bad bout God! He gotta mahke!”

John 19:7

Da Jews tell Pilate, “Us guys get Rules from God, an da Rules tell dis guy gotta mahke, cuz he talk like he God Boy.”

Jesus Guys 26:11

Plenny times I go from one Jew church to anodda fo punish um, an I try fo make um talk bad agains God. I come plenny huhu wit dem, an I even go da towns far away fo make um suffa.

Jesus Guys 7:58

an drag him outside da town, an throw stone at him. Da guys dat talk bad bout him inside da court, dey put down dea coats by one young guy feets. Dass da guy Saul.

1 Timoty 1:13

You know, befo time I wen talk real stink an bulai bout God, an make his peopo suffa, an bus um up. But no matta, Jesus still yet wen give me chance, cuz I neva know wat I stay do, an I neva trus him dat time.

James 2:7

Erytime, dey da guys dat talk bad bout da awesome guy Christ, no matta you his guys, an den!