Prieses 23:31 - Hawaii Pidgin Bible

³¹ You guys no can do work notting. Dis one ting you guys gotta do now an foeva, wea eva you guys live.

Prieses 23:31 ပူးပေါင်းရင်းမြစ်များ

Prieses 16:34

“Dis, da rule fo you guys foeva. One time ery year, da Main Pries Guy goin make you Israel guys come pono wit me one mo time, cuz a all da bad kine stuff you guys do.” An Aaron do um all jalike Da One In Charge tell Moses fo do um.

Prieses 23:14

You guys no can make da bread fo eat, o roas da wheat an eat um, o eat da new wheat o barley, till da day you bring da sacrifice dat go wit da wheat an barley in front me, yoa God. You guys an yoa kids goin follow dis rule foeva, no matta wea you guys live.

Prieses 23:21

Dat same day, you goin tell da peopo fo come togedda fo one spesho religious kine ceremony, an no do regula kine work. Dis goin be one spesho time you guys an yoa kids goin make from now an foeva, no matta wea you guys live.

Prieses 23:30

I goin wipe out from dea peopo anybody dat do work dat day.

Prieses 23:32

Az one res day fo you guys, an you guys no can eat food cuz you pray. From day numba nine wen da sun go down, till da same time da nex day, az one res day fo you guys.”