Prieses 22:32 - Hawaii Pidgin Bible

³² No talk bad bout my good an spesho name fo make um come pilau. All da Israel peopo gotta show dat dey know I good an spesho. Me, Da One In Charge, da One make you guys spesho fo me.

Prieses 22:32 ပူးပေါင်းရင်းမြစ်များ

Isaiah 5:16

But Da One In Charge, Da God Ova All Da Armies, Cuz he stay judge da right way, Peopo goin know how big him! Him, da God dat stay good an spesho! Peopo goin know how spesho he stay Cuz he do da right ting erytime!

Isaiah 8:13

Me, I da one you guys gotta tink bout, Cuz me Da One In Charge, da God Ova All Da Armies, An I stay good an spesho. You gotta come sked a me. I da one, wen you tink bout me, You goin come sked an shake!

Prieses 10:3

Den Moses tell Aaron: “Dis wat Da One In Charge stay talk bout wen he tell: ‘Wen pries guys come nea me, I goin show um I stay good an spesho. In front all da peopo, dey goin show plenny respeck fo me.’ ” But Aaron no say notting.

Prieses 18:21

“No give any a yoa kids fo make um go thru da fire fo make one sacrifice fo da idol kine god Molek, cuz you guys betta not make my name pilau. Me, Da One In Charge.

Prieses 20:8

You guys, make shua fo do wat my rules tell. Me, Da One In Charge, da One dat make you guys spesho fo me.

Prieses 21:15

Az how he know his kids not pilau, cuz dey come from his peopo. Me, Da One In Charge make him spesho fo me.”

Prieses 21:8

Tink bout da pries guys jalike dey good an spesho fo me, cuz dey make sacrifice an give food to me, yoa God. Tink bout dem like spesho guys, cuz me, Da One In Charge, stay good an spesho, an I make you guys spesho fo me.

Prieses 22:16

Cuz dey let da odda peopo eat da food dat stay spesho fo me. Cuz den da pries guys make da odda peopo get da blame fo eat da spesho kine food, so den da odda peopo gotta make da kine sacrifice fo take away da blame. Me, Da One In Charge, I da one make da pries guys spesho fo me.”

Prieses 22:2

“Watch out! Goin get times wen da pries guys no can touch da sacrifices dat da Israel peopo make spesho fo me. Cuz if dey touch um wen dey not suppose to, dey goin make pilau my good an spesho name. Me, Da One In Charge.

Prieses 22:31

“Make shua you lissen wat I tell you fo do, an do um. Me, Da One In Charge.

Prieses 22:33

I wen bring you guys outa Egypt, fo me come yoa God. Me, Da One In Charge.”

Matthew 6:9

So, pray lidis, “ ‘God, you oua Faddah. You stay inside da sky. We like all da peopo know fo shua How good an spesho you stay, An show you plenny respeck.

Luke 11:2

Jesus tell, “Dis how you pray: “ ‘Faddah, We like all da peopo know fo shua How good an spesho you stay. We like you come da king fo erybody.

John 17:17

“Make dem good an spesho fo you, cuz dey know wat you tell, an you erytime tell da trut.

1 Corint 1:2

Dis letta fo you church peopo dat come togedda fo God inside Corint town. God make you guys spesho fo him cuz you stay tight wit Jesus Christ. He tell you guys fo come his spesho peopo! Dass jalike all da odda peopo all ova da world dat call out to Da One In Charge wen dey need help. Jesus Christ, he da Spesho Guy God Wen Sen, an he Da One In Charge a dose guys an us guys too.