Prieses 22:29 - Hawaii Pidgin Bible

²⁹ “Wen you make da kine sacrifice fo tell me, Da One In Charge, ‘Mahalo plenny!’ make um da right way fo me take um an make good fo you.

Prieses 22:29 ပူးပေါင်းရင်းမြစ်များ

Songs 107:22

Good dey make one sacrifice Fo tell God “Mahalo!” An tell da story Bout all da tings God stay do. Good dey yell Cuz dey stay good inside!

Songs 116:17

I goin call fo you help me, Cuz I know wat kine god you, An I goin make one sacrifice fo you, Fo tell you “Mahalo plenny!”

Hosea 14:2

Come back by Da One In Charge, An tell him you sorry. Tell um: ‘Try hemo da shame fo all da bad tings us guys wen do, An let us guys go! Lissen wen we pray Fo tell you we sorry. Den we goin talk good bout you, Jalike wat we tell now, az one sacrifice Dass mo betta den da bulls we kill.

Prieses 22:30

You gotta eat um da same day you kill um, an no leave notting till morning. Me, Da One In Charge, tell dis.

Prieses 7:11

Dis da rules fo da sacrifice fo show dat one guy an Da One In Charge stay tight wit each odda.

Amos 4:5

Burn some a da bread you suppose to put wit da sacrifice Fo tell God ‘Mahalo plenny!’ An talk big plenny wen you guys give God someting you no need give. Cuz dass da way you Israel peopo do um cuz you tink dass real importan.” Dass wat Da One In Charge a me tell.

Hebrews 13:15

Us guys, oua ancesta guys wen make sacrifice fo show dey like tell plenny good tings bout God. Az why same ting, us guys goin tell erybody dat us God guys cuz we know who him! Dass why us guys can tell plenny good tings all da time bout how God stay. An we can do all dat cuz a Jesus.

1 Peter 2:5

Eh, you guys, come tight wit Christ fo God use you guys too, jalike you guys da stones fo make one place fo God Spirit. An you guys stay alive fo real kine too, jalike Christ. All you guys goin be jalike pries guys dat stay spesho fo God. Jalike you guys goin give sacrifices to God, da kine sacrifices God like, cuz Jesus Christ wen mahke fo all you guys.