Prieses 20:22 - Hawaii Pidgin Bible

²² “You guys gotta make shua fo do wat all my rules tell, eryting I tell you cuz I da judge. Den no need throw out you guys from da land wea I goin bring you guys fo live.

Prieses 20:22 ပူးပေါင်းရင်းမြစ်များ

Songs 105:45

You know how come God give um all dat? Az fo dem do Wat he tell um dey gotta do, An fo dem take in wat he teach, An do um. Eh erybody! Go tell good stuff Bout Da One In Charge!

Songs 119:106

I make one strong promise awready, An now I tell dis one mo time, Dat I goin do Wat I wen promise fo do. I goin do da tings dat you tell Stay right, cuz you da judge.

Songs 119:145

I go all out fo yell fo you help me. Eh! You Da One In Charge! Do someting! Help me fo do wat yoa Rules tell!

Songs 119:160

All da tings you tell, Stay true fo real! Eryting you tell stay right, An stay foeva, cuz you da judge.

Songs 119:164

Ery day, seven time I tell, “You da greates!” Cuz erytime you tell Wass right o wass wrong, az pono!

Songs 119:171

Help me fo tell how awesome you stay, Cuz you teach me da tings I gotta do.

Songs 119:175

Keep me alive! Den, I goin tell good tings bout you. An da tings you tell cuz you da judge, Dat goin help me.

Songs 119:20

All da time, fo shua I like know Da tings you tell cuz you da judge. Cuz I all bus up inside.

Songs 119:80

Den I goin go all out Fo do wat you tell I gotta do. Cuz a dat, I no goin come shame.

Outa Egypt 21:1

Dis da rules you goin give da peopo fo dem know wass right an wass wrong:

Ezekiel 36:27

An I goin put my Spirit in charge a you guys. He goin make you like live da way I tell you gotta live. Dass how you goin make shua you do wat my rules tell you fo do.

Prieses 19:37

“You guys gotta make shua fo do all da tings I tell you guys you gotta do, an all da rules I give you fo do um. Cuz me Da One In Charge.”

Prieses 26:33

I goin make you guys go all ova da place wea all kine peopos stay. I goin take out my sword an go afta you guys. You guys land goin come good fo notting, an yoa towns, goin come all bus up.

Rules Secon Time 4:45

Dis all da stuff dat God tell, an da tings da peopo gotta do, an da rules dat Moses give da Israel peopo wen dey come outa Egypt.

Rules Secon Time 5:1

Moses tell all da Israel peopo fo come by him. He tell um: “Lissen, you Israel peopo. I goin tell wat God tell you guys suppose to do, an his rules fo you guys fo hear today. Learn um, an make shua you guys do um.