Prieses 19:34 - Hawaii Pidgin Bible

³⁴ Somebody from anodda place dat live wit you guys, you gotta make to dem jalike to one guy dat born same place by you guys. Get love an aloha fo da guy, jalike you get love an aloha fo you. Cuz you guys wen stay Egypt side, an you guys not from dea. I yoa God, Da One In Charge.

Prieses 19:34 ပူးပေါင်းရင်းမြစ်များ

Songs 146:9

Da One In Charge, he da One Dat take kea da foreign peopo Dat live wit us guys. He come fo help da kids Dat no mo muddah an faddahs An da widow wahines. But fo da peopo Dat stay do bad kine stuff, Da One In Charge jam up Da way dey like go.

Outa Egypt 22:21

Wen get one guy come from anodda place dat live wit you guys, no make any kine to him, an no give him hard time. Cuz you know, da time you guys wen live Egypt side, you was from anodda place too.

Ezekiel 47:22

All dis land goin come da property fo you guys, an fo da peopo from anodda place dat live wit you guys an get kids. You goin treat dem jalike dey kamaainas, jalike dey da Israel peopo dat wen born inside dis land an get property.

Prieses 19:18

“If one a yoa peopo do someting bad to you, no go do someting bad to dem too. No stay piss off wit um, but get love an aloha fo da odda guy, jalike you get love an aloha fo you. Me, Da One In Charge, tell dis.

Prieses 19:3

“Erybody gotta show plenny respeck fo dea muddah an faddah. An ery Res Day, you guys gotta follow my Rules an res. I yoa God, Da One In Charge.

Census 10:32

If you come wit us, we goin share wit you all da good kine stuff Da One In Charge goin give us.”

Matthew 5:43

“You guys wen hear wat God tell: ‘Show love an aloha fo da peopo all aroun you.’ An da peopo tell: ‘Hate da guys dat hate you.’

Rules Secon Time 10:19

An you guys gotta get love an aloha fo da peopo from anodda place, cuz you guys wen come from anodda place wen you stay inside Egypt.

Rules Secon Time 23:7

No make to da Edom peopo jalike dey pilau, cuz dey da Esau ohana, yoa braddahs. An same ting fo da Egypt peopo, cuz dey let you guys live in dea country no matta you no was from dea.

Rules Secon Time 23:8

Da Edom an da Egypt peopo grankids can come togedda wit da peopo a Da One In Charge.

Ruth 2:10

Ruth, she go down quick by Boaz feet an put her face on top da groun fo show um respeck. She tell um, “Eh mista, mahalo plenny! How come you stay good to me an even talk to me? I ony one wahine from anodda country, you know.”