Prieses 19:32 - Hawaii Pidgin Bible

³² “Stan up wen ol peopo come nea you, an show respeck fo dem. Show respeck fo me, yoa God. Me, Da One In Charge.

Prieses 19:32 ပူးပေါင်းရင်းမြစ်များ

Start 31:35

Rachel tell her faddah “I like show you respeck, but no get huhu, aah? I no can stan up fo you, cuz right now I stay get my time dat come ery month, you know.” Laban look all ova da place, but he neva find da idol kine gods fo his ohana.

Start 48:12

Den Joseph take da boys from wea dey stay sit nex to dea granfaddah, an Joseph go down on top da groun in front his faddah fo show him respeck.

1 Kings 2:19

So Batsheba go by King Solomon, fo talk to him fo Adonijah. Wen she come inside, da King stan up fo tell her aloha, den he go down in front her. He sit down on top his throne, an he tell his helpa guys fo bring anodda throne cuz she da King Muddah. She sit down dea, da right side by King Solomon, fo show erybody she importan.

2 Kings 17:36

Me, Da One In Charge, I da one wen bring you guys ova hea, outa da Egypt land, cuz I get plenny powa, an I wen use um dat time. Me, da one you gotta show respeck fo. You gotta go down in front me, an make sacrifice fo me.

Job 32:4

Elihu wen wait till Job pau talk cuz da odda guys all mo ol den him.

Job 32:6

So den Elihu, Barakel boy from da Buz ohana, tell dis: “I mo young den you guys, an you guys ol. Az why I wen hold back, An I was sked fo tell you guys wat I know.

Smart Guys 16:31

Gray hair, az jalike one nice haku lei fo da head Fo da ol peopo, fo show how awesome dem. Fo get um, Az good you do wass right erytime!

Smart Guys 20:29

How come erybody like young peopo? Cuz dey strong, az why. An how come erybody tink Ol peopo wit gray hair awesome? Cuz dey know how fo live, az why.

Smart Guys 23:22

Lissen good to yoa faddah guy, Cuz he da One wen give you yoa life. An wen yoa muddah come ol, No make jalike she not importan.

Isaiah 3:5

Da peopo goin give each odda hard time, Fren agains fren. Da young guys goin make any kine to da ol guys Jalike dey own dem an dey hate dem. Da guys dat erybody get respeck fo, Da no good guys goin bus um up.

Sad Song 5:12

Dey hang up da leadas by dea hands. Dey no show respeck fo da older leadas.

Prieses 19:14

“No talk harsh kine to one guy dat no can hear, jalike he no matta. No put someting in front one guy dat no can see fo him trip an fall down. Show choke respeck fo me, cuz I yoa God, Da One In Charge.

Rome 13:7

So pay erybody wat you gotta pay. Pay da tax guys all da taxes you gotta pay. All da peopo you gotta respeck, inside you, respeck dem fo real kine. Make shua da peopo dass importan, you show um dey importan.

1 Timoty 5:1

No scold da older guys, but talk to dem wit good kine words, jalike dey yoa faddah. Same same fo da younga guys, talk to dem jalike dey yoa braddahs.

1 Peter 2:17

Get respeck fo erybody. Get love an aloha fo yoa braddahs an sistahs dat trus Christ. Get plenny respeck fo God. An get plenny respeck fo da king.