Prieses 19:16 - Hawaii Pidgin Bible

¹⁶ “No go aroun an make bulai story bout anybody wit yoa peopo. “If somebody goin mahke, no ony stan dea an no do notting fo help. Help um, cuz me Da One In Charge.

Prieses 19:16 ပူးပေါင်းရင်းမြစ်များ

Job 17:5

Watch out! Peopo tell dis: ‘If somebody tell dat his frenz wen do someting bad Fo him get some a dea property, His kids goin suffa cuz a dat.’

Songs 101:5

Anybody go talk bad bout his fren, So da fren no can hear wat he tell, I goin wipe out da guy dat talk bad. Anybody tink dey it An odda peopo ony junk, I had it wit dem too.

Songs 15:3

Dey no talk bad bout odda peopo. Dey no do notting fo hurt dea frenz. Dey no talk harsh kine to dea neighba guys.

Songs 50:20

You tink plenny bout how fo talk bad Bout yoa ohana guys. You even talk bad bout yoa braddah.

Outa Egypt 20:16

“Wen you gotta tell someting in front one judge fo show proof wat anodda guy wen do, no bulai.

Outa Egypt 23:1

No go tell odda peopo tings you hear if you know az not true. Wen get somebody dat do one bad ting, no go make one deal wit da guy dat do one bad ting so you go bulai da judge fo him.

Outa Egypt 23:7

But if get one guy dat neva do notting bad, make shua you no bulai bout da guy in front da judge an tell dat he wen do someting bad. No do notting agains da peopo dat stay do wass right, den gotta mahke. Cuz I God, an I no goin let you go if you go do one bad ting.

Smart Guys 10:18

If somebody talk all nice to you, But inside he hate you, He trying fo trick you, him ony bulai. Ony da kine stupid guys dat tink dey no need learn notting Stay talk bad bout odda peopo.

Smart Guys 11:13

Da kine peopo dat go aroun talk bad bout odda peopo, Dey tell all kine stuff bout da odda guys dat dey not suppose to tell. But da kine peopo you can trus, Dey know how fo keep dea mout shut.

Smart Guys 20:19

Anybody go aroun an talk any kine bout odda peopo, Dey tell all kine stuff dey not suppose to tell. Az why, no go hang out wit da kine guys Dat no can shut dea mout.

Jeremiah 6:28

Den I tell Da One In Charge: “All dem guys bag from you! Dey stay hard head, Jalike dea head bronze an iron metal. Ery place dey go, dey tell bad kine stuff bout you. All a dem guys make eryting come pilau!

Jeremiah 9:4

Da One In Charge tell, “You guys betta watch out fo yoa frenz! No trus yoa braddah guys. Cuz ery braddah like take away da rights from da odda braddahs. An ery fren, dey like talk bad bout you.

Ezekiel 22:9

Inside yoa town get guys dat go aroun an tell bulai stories bout peopo fo dose guys go all out fo kill dose peopo. An inside yoa town get guys dat eat sacrifice meat by da altars fo odda gods on top da mountains. Pilau how dey ack!

Matthew 27:4

He tell um, “Eh, I wen do someting wrong! I wen set up one guy dat neva do notting bad!” But dey tell him, “Eh, no bodda us wit dat! Az yoa problem!”

Rules Secon Time 27:25

“Da Levi guys goin tell: ‘God goin punish anybody dat take money unda da table fo kill somebody dat neva do notting bad!’ “All da peopo goin tell: ‘Az right!’

1 Timoty 3:11

Da wahines dat help in da church, same ting. Dey gotta be solid kine peopo. Dey no talk bad bout odda peopo. Dey no drink plenny cuz dey gotta know how fo ack. Can trus um bout eryting.

2 Timoty 3:3

Dey no goin get love an aloha. Dey no goin give chance to nobody. Dey goin poin finga somebody, no matta az not true. Dey no goin hold back wen dey gotta hold back. Dey goin like see odda peopo suffa. Dey goin hate eryting dass good.

Titus 2:3

Same ting wit da older wahines. Teach dem fo ack da way da peopo dat stay spesho fo God suppose to ack. Tell um, “No talk bad behind anodda guy back, an no love da booze too much fo you drink all da time an no can stop.” Tell um no make lidat, but tell um fo teach ony da good kine tings.

1 Peter 2:1

So den, no do no bad kine stuffs. No bulai nobody. No tell one ting an do anodda. No get jealous. No talk bad.

1 Samuel 24:10

Today you da one wen see fo real kine az not true! Cuz Da One In Charge wen give me da powa fo hurt you ova dea, inside da cave. Some guys wen tell me fo kill you, but I neva. I wen tell um, ‘No way I goin wack my boss, cuz he da one dat Da One In Charge wen pick.’