Prieses 19:11 - Hawaii Pidgin Bible

¹¹ “No go steal notting. No bulai nobody. No go cheat each odda.

Prieses 19:11 ပူးပေါင်းရင်းမြစ်များ

2 Samuel 17:20

Wen Absalom guys come by da wahine inside da house, dey aks, “Ahimaaz an Jonathan, wea dey stay?” Da wahine tell um, “Dey go da odda side a da stream.” So da guys look fo dem ova dea, but dey no find nobody. So dey go back Jerusalem.

1 Kings 13:18

Da ol guy dat talk fo God tell um, “I one guy dat talk fo God too, jalike you. An one angel messenja guy wen tell me wat Da One In Charge tell. He tell, ‘Bring da guy back wit you yoa house fo eat an drink.’ ” (But da ol guy dat talk fo God, he bulai.)

Songs 101:7

Nobody dat bulai peopo Goin stay inside my palace. Nobody dat tell tings dat not true Can come in front me.

Songs 116:11

Cuz I stay real bum out, I wen tell, “Erybody bulai, An I no can trus nobody!”

Outa Egypt 20:15

“No go steal notting.

Outa Egypt 20:16

“Wen you gotta tell someting in front one judge fo show proof wat anodda guy wen do, no bulai.

Outa Egypt 20:17

“No go tink, ‘I like take da odda guy stuffs, an I goin take um!’ Dat mean, no go afta his wife, o his slave guy, o his slave wahine, o his cow, o his donkey, o wateva kine ting da odda guy get.”

Outa Egypt 22:1

If one guy go steal one cow o one sheep, an he kill um o sell um, fo da cow he wen steal he gotta pay back five cows, an fo da sheep he gotta pay back four sheeps.

Outa Egypt 22:7

If one guy give money o stuffs to anodda guy fo keep fo him, an somebody steal um outa da house wea da guy keep um—if dey catch da steala guy, he gotta pay double wat he wen steal.

Outa Egypt 23:1

No go tell odda peopo tings you hear if you know az not true. Wen get somebody dat do one bad ting, no go make one deal wit da guy dat do one bad ting so you go bulai da judge fo him.

Smart Guys 24:28

No go in front da judge An tell um wat you wen see anodda guy do, If da guy neva do notting. O if you gotta tell da judge someting, No bulai.

Jeremiah 6:13

“From da guys dass not importan to da importan guys, Erybody stay greedy fo get plenny stuffs. Da guys dat make jalike dey talk fo me, an da pries guys, Dey all bulai peopo fo get stuff.

Prieses 19:10

No go ova yoa grape field one mo time fo make shua you get eryting, an no pick up da grapes dat fall down. Leave um dea fo da peopo dat no mo notting, an da peopo from anodda place dat live wit you guys. I yoa God, Da One In Charge.

Rome 3:4

No ways! No matta erybody one bulaia, God erytime tell wass true! Jalike da Bible tell befo time, “Da peopo goin find out Dat wat he tell, az right. No matta dey tell dat he do wrong, He goin win still yet, Cuz he no do da bad kine stuff notting.”

Efesus 4:25

Kay den. No bulai nobody no moa. All you guys gotta tell each odda da trut cuz all us da same ohana.

Efesus 4:28

Whoeva steal stuffs betta not do um no moa. Dey gotta work hard fo do good kine stuff wit dea hands. Den dey can give stuffs to da peopo dat need um.

Rules Secon Time 5:19

“No go steal notting.

Colosse 3:9

No bulai each odda. Az cuz you guys wen throw out da ol kine way an no do da bad kine stuff no mo dat you guys wen do befo time.

1 Timoty 1:10

Get da Rules From God fo da peopo dat go fool aroun, fo da mahus, fo da peopo dat steal peopo fo make um slaves, da bulaia peopo, da peopo dat bulai in front da judge, an any odda kine stuff dat stay agains da true teaching. Dass why us need da Rules From God.

Jesus Show 21:8

But da peopo dat no do notting cuz dey sked, da peopo dat no trus God, dat ack pilau kine, dat murda oddas, dat fool aroun somebody, dat do bad kahuna kine stuff, dat go down an pray to da idol kine gods, an erybody dat bulai somebody, dey goin go inside da lava lake dat stay burn wit sulfur. Dass wen dey mahke da secon time.