Prieses 16:29 - Hawaii Pidgin Bible

²⁹ “Dese rules you guys goin do foeva. Da month numba seven fo yoa kine year, da day numba ten, all you guys no can eat fo you pray. An no can work, anybody dat born one Jew, o anybody from anodda place dat stay with you guys.

Prieses 16:29 ပူးပေါင်းရင်းမြစ်များ

1 Kings 8:2

Dat time, all da Israel peopo stay togedda by King Solomon, cuz dat was da spesho religious kine ceremony wen erybody live one week inside shacks, da las week in Setemba.

Ezra 3:1

Dat year Octoba, afta all da Israel peopo pau make house inside dea towns, dey all come togedda Jerusalem town fo stick togedda.

Ezra 8:21

By da Ahava Watta Ditch, I tell erybody fo skip food wen dey pray, an fo come togedda in front God an show dat us need him plenny. We aks God fo take us to Jerusalem, fo watch us fo nobody get hurt—us guys, oua kids, an all da stuffs we stay take wit us.

Songs 35:13

Me, wen dey stay sick, I wear burmbag fo clotheses Fo show I feel sad inside fo dem. I no eat so I can pray fo dem An fo me no ack big head. But da good tings I wen pray fo dem, I like fo dat happen fo me too!

Songs 69:10

Da time I wen come plenny sore inside An cry plenny An no eat so can pray, Dey even wen talk bad bout me Cuz a dat!

Outa Egypt 12:16

“Day numba one, goin be fo all da peopo come togedda, spesho kine fo me, Da One In Charge. Same ting, day numba seven. Da two spesho days, you no do work notting. Da ony ting you can do dat time, you can make da food dat erybody goin eat.

Outa Egypt 20:10

But da Numba Seven Day, dass da Res Day. Stay spesho fo me, yoa God, Da One In Charge. Dat day, no do work notting—you, yoa boy, yoa girl, yoa slave guy, yoa slave wahine, yoa animals, da visita guy from anodda place dat stay yoa town, erybody!

Outa Egypt 30:10

Ery year, from now to foeva, make one spesho day. Dat day, Aaron goin make da sacrifice fo hemo da shame fo da bad kine stuff da peopo do, fo make um come pono wit me. Den he goin put da blood from dat sacrifice on top da four tings jalike horns dat stick out from da incense altar. Dat blood, fo make peopo come pono wit me, make da altar good fo use fo me. Dat altar goin stay spesho fo me, Da One In Charge, foeva.”

Outa Egypt 31:14

You guys gotta make da Res Day one spesho day, cuz was me dat wen make dat day spesho fo you guys. Anybody dat no mo respeck fo da Res Day, gotta mahke. Anybody go work dat day, you guys gotta cut um off from da Israel ohana an no let um stay wit you guys.

Outa Egypt 31:15

Get six days fo work an do eryting you gotta do. But da day numba seven, dass da day fo no work an no do notting, ery week. Dat day, spesho fo me, Da One In Charge. Anybody go work da Res Day, gotta mahke.

Isaiah 58:13

“You guys gotta make da Res Day spesho fo me. An no go any place mo far den you suppose to go, An no jus do wateva you like do dat day, Cuz da whole day stay spesho fo me. You guys gotta tell peopo Dat da Res Day make you feel good inside, An dat stay spesho ony fo me, Da One In Charge, Fo show respeck fo me lidat. Dis, how you goin show respeck fo da Res Day: You no goin do stuff yoa way dat day. You no goin look fo ony da kine stuff you like do. You no goin talk any kine wase time stuff,

Isaiah 58:3

“Dey tell me, ‘Wase time, Us guys skip food fo us pray, An you neva see dat! Wase time! Us guys no make big head bout notting, An you neva know!’ Dass how dey talk. “But you know wat you guys do?! Weneva you guys skip food, You do um fo make ony you feel good! An same time, you guys make any kine to all yoa worka guys.

Isaiah 58:5

You tink dat wen I like fo you skip food, I ony like fo peopo ack jalike dey notting, An bow down dea head Jalike one reed dat stan up inside da watta, An spread out one burmbag cloth wit ashes on top Fo lay down dea. You guys tink dass all you guys gotta do wen you skip food fo pray?! You tink dat goin make me, Da One In Charge, feel good inside?! No way!

Daniel 10:12

Den he tell me, “No sked, Daniel. Cuz from da firs day dat you wen try fo undastand da message from God, an fo no get one big head in front yoa God, he wen hear wat you tell. I come hea now cuz a wat you tell.

Daniel 10:3

I no eat good kine food like meat o wine, an I no comb my hair wit oil, till da three weeks pau.

Prieses 23:21

Dat same day, you goin tell da peopo fo come togedda fo one spesho religious kine ceremony, an no do regula kine work. Dis goin be one spesho time you guys an yoa kids goin make from now an foeva, no matta wea you guys live.

Prieses 23:3

“Get six days wen you guys can work. But day numba seven, az da Res Day, fo erybody res. Dass wen you guys goin come togedda fo do stuff dat spesho fo me. No matta wea you guys live, you no can work dat day. Az one Res Day you give fo me, Da One In Charge.

Prieses 23:36

Fo seven days you guys gotta make sacrifices wit fire fo me, Da One In Charge. Day numba eight, az spesho fo me too. Erybody gotta come togedda one mo time, an make one sacrifice wit fire fo me, Da One In Charge. Az da las time fo come togedda an stay spesho fo me, an no do work.

Prieses 25:9

Den, da month numba seven, day numba ten, az da Day Fo Make Da Peopo Come Pono Wit God, az da year numba fifty. Dat time, peopo goin blow da sheep horn trumpets all ova you guys land.

Prieses 3:17

“Dis one ting you guys gotta do foeva, you an all da peopo dat goin come from you guys, no matta wea you guys stay: No eat da fat o da blood.”

Census 29:7

“Da month numba seven, day numba ten make one spesho religious kine ceremony fo all da peopo come togedda. You guys goin no eat so you can pray, an no goin do work notting.

Jesus Guys 27:9

We lose plenny time, an da Spesho Day Fo No Eat So Can Pray come awready. Da ocean stay too rough fo ride boat dat time. So Paul tell um,

1 Corint 11:31

But if us wen check out how us stay firs, den we no goin get punish lidat.

Hebrews 4:10

Az why, wen God give you his kine res, dat mean you pau do yoa work awready, jalike God wen res, afta he pau do his work.

1 Samuel 7:6

Wen da peopo come togedda Mizpah side, dey bring watta from one puka, an pour um out in front Da One In Charge. All day, da peopo skip food wen dey pray, an tell Da One In Charge, “Us sorry, aah?! dat we wen go agains you an do bad kine stuff.” An Samuel, he stay da leada guy fo judge da Israel peopo Mizpah side.