Prieses 14:7 - Hawaii Pidgin Bible

⁷ Den da pries goin sprinkle da guy dat like come clean one mo time fo come in front me, Da One In Charge, seven time. An he goin tell erybody dat now, stay okay fo da guy come in front me one mo time. Den he goin let go da bird dat stay alive, fo fly away inside da fields.

Prieses 14:7 ပူးပေါင်းရင်းမြစ်များ

2 Kings 5:10

Elisha sen one messenja guy outside fo tell: “Go wash yoa body seven time inside da Jordan Riva. Den yoa body goin come good jalike befo time, an come clean.”

2 Kings 5:14

So Naaman go down inside da Jordan Riva seven time, jalike Elisha, da guy dat stay tight wit God, wen tell him fo do. Den Naaman body come good, jalike one young boy body, an no mo da sick.

Songs 51:2

Make me come all clean inside, Cuz wat I wen do, no was right. Make me come all clean inside Fo me pray one mo time.

Songs 51:7

Make me come clean inside Fo no do bad tings no moa! Jalike wen da pries guys make one sacrifice An sprinkle da blood Wit one oregano branch, Fo me come clean inside fo pray! Wash me good till I come Mo clean inside, Mo clean den da white snow!

Isaiah 52:15

He goin shock erybody in plenny countries Cuz a da way he look. Cuz a dat, even da king guys Goin stay futless An no can say notting. Dey goin see stuff dat nobody tell um bout. Dey goin start fo undastan stuff dey neva hear bout.”

Ezekiel 36:25

“Jalike I goin splash clean watta on top you guys an you guys goin come real clean inside. I goin make you guys come real clean from all da pilau kine stuff you guys wen do an from yoa idol kine gods.

Daniel 9:24

“Seventy times seven year, az da time God wen make fo yoa peopo an fo yoa town dat stay spesho fo God: fo make da peopo dat go agains God stop, fo make da ones stay do bad kine stuff stop, fo make sacrifice, fo make da peopo dat do wass wrong come pono wit God, fo make dem do da right kine stuff all da time, fo put seal fo show dat wat da guy dat talk fo God dream stay fo real, an fo make da Real Real Spesho Place inside da Temple come spesho fo God one mo time.

Prieses 13:13

da pries guy goin tes um. If da sick stay all ova his body, da pries guy goin tell erybody dat he pono fo come in front me, Da One In Charge. Cuz da sick stay all white an dry up, he can come in front me.

Prieses 13:17

Da pries guy goin check out da guy one mo time. If da sores come white an dry, da pries guy goin tell erybody dat da guy stay pono fo come in front me, an he stay okay.

Prieses 14:51

Den he goin take da cedar wood, da oregano branch, da red string, an da odda bird dat stay alive, dip um inside da blood mix wit da spring watta from da bird he wen kill, an use um fo sprinkle da house seven time.

Prieses 16:14

Den he goin take some a da bull blood wit his finga, an sprinkle um on top da front a da cova fo da Box Fo No Foget Da Deal, fo make da peopo come pono one mo time wit me, Da One In Charge, an den he goin sprinkle um seven time in front da cova fo da Box.

Prieses 16:19

He goin sprinkle some a da blood on top da altar wit his finga seven time, fo make um come clean fo da sacrifices da way I see um. Az how he make um spesho fo me, cuz befo he sprinkle da blood, da Israel peopo no can come in front me.

Prieses 16:22

Da goat goin take da blame fo all da bad kine stuff da peopo wen do, an dat guy bring um one place wea da goat no can come back. Da guy goin let go da goat ova dea inside da boonies.

Prieses 4:17

He goin put his finga inside da blood an sprinkle um seven time in front me, Da One In Charge, in front da thick curtain inside da tent.

Prieses 4:6

Da pries guy goin put his finga inside da blood, an sprinkle um seven time in front me, Da One In Charge, in front da thick curtain fo da place dat stay spesho fo me.

Prieses 8:11

He sprinkle some a da oil on top da altar seven time, an on top all da stuffs dey use fo make one sacrifice, da big watta tank, an da lamp stan, fo make um spesho fo God.

Micah 7:19

You goin take us back one mo time, Cuz you get love an pity fo us. You goin hemo all da bad kine stuff we wen do, Jalike you goin throw all da bad kine stuff us guys wen do Down inside da mos deep ocean.

Census 19:12

Dey gotta make um fo him come clean wit da watta dat get da ash inside, day numba three, an day numba seven too. Den he can come in front me. But if he no make lidat by day numba three an day numba seven, he no can come in front me.

John 19:34

But one army guy stab him wit his spear on da side, an blood an watta come out.

Hebrews 10:22

Az why, us guys goin come tight wit God. Inside, we goin like do wass pono an go all out fo trus God. Cuz God know dat all da bad kine stuff inside us no mo awready. Dass jalike he wen sprinkle us guys clean inside, an wash oua bodies clean wit clean watta.

Hebrews 12:24

An you guys come togedda wit Jesus too. He da middo man fo da New Deal God make. Was jalike wen Jesus bleed an mahke fo make solid da promise fo da New Deal. An dat deal, mo betta den how was befo time wen da guy Abel wen bleed an mahke.

Hebrews 9:13

Befo time, da Main Pries Guy take da blood from da goats an da cows, o da ash from one burn up young cow, an sprinkle um on top da peopo dat stay pilau an no can pray wit da odda peopo. Den dose peopo come spesho fo God, jalike dey come clean inside fo dem pray wit da odda peopo.

Hebrews 9:19

Dat time, Moses wen tell all da peopo eryting dat God tell dem dey gotta do. Den he make one sacrifice from cows an goats, an take da blood wit watta, an dark red wool string fo tie togedda oregano branches, an sprinkle da blood on top da Book dat tell wat God tell, an sprinkle um on top all da peopo dea too.

Hebrews 9:21

An den same ting, Moses sprinkle da blood on top da big tent, an on top eryting da pries guys use fo make sacrifice to God.

Hebrews 9:26

But you know, if Christ gotta do um ova an ova, den he gotta suffa ova an ova, from da time God wen make da world. But no was lidat. Now, da end a da world time stay coming, an he wen come ony dat one time, fo be da sacrifice an throw out all da bad kine stuff foeva.

1 Peter 1:2

God da Faddah wen pick you guys fo be his guys cuz he know you guys long time befo you was born. God Spirit wen make you guys spesho fo him fo you do eryting Jesus Christ tell you fo do. Jesus wen mahke fo you guys! Wen you guys do eryting Jesus tell you fo do, dass good. Dass jalike God sprinkle Jesus blood on top you guys fo show dat you stay spesho fo him. I like God do plenny good tings fo you guys an help you guys so notting bodda you.

1 John 5:6

Jesus, he da Guy dat wen come wit watta, da time John wen baptize him. He come wit blood, da time dey wen kill him. He come, not wit watta ony, but wit watta an blood. God Spirit tell us dat dis stay true, cuz his Spirit erytime tell da trut.