Prieses 14:21 - Hawaii Pidgin Bible

²¹ “But if da guy no mo notting, an no can buy da animals, he gotta take one boy kine bebe sheep fo make one sacrifice fo take away da blame, an lif um up, fo make him come pono wit me, Da One In Charge. An he goin take two quart fancy kine flour mix wit bout one pint olive oil fo make one sacrifice wit wheat,

Prieses 14:21 ပူးပေါင်းရင်းမြစ်များ

Job 34:19

He no make mo betta to one prince den he make to anodda prince. He no make mo betta to da rich peopo den he make to da pooa peopo. Cuz he wen make all dem.

Smart Guys 17:5

Anybody make fun a da peopo dat no mo notting, Dey show dat dey no mo respeck fo God, An he da One wen make dem. Anybody feel good inside Wen bad kine stuff happen to odda peopo, Fo shua, God goin punish da guy dat feel good bout dat.

Smart Guys 22:2

Da rich peopo an da peopo dat no mo notting, Dey same same. Da One In Charge Him da One make all dem.

Ezekiel 46:7

He goin give one basket wheat o barley wit da boy kine calf, one basket wheat o barley wit da boy kine sheep, an wateva wheat o barley he like give wit da bebe sheeps, an one gallon olive oil wit ery basket wheat o barley.

Prieses 1:14

“If da sacrifice goin be one bird dat dey burn up, den da guy can give one dove o one young pigeon fo be da sacrifice fo him.

Prieses 12:8

If she no mo enuff money fo buy one bebe sheep, she can bring two doves o two young pigeons, one fo da burn up kine sacrifice, an da odda fo da sacrifice fo any bad kine stuff she wen do. Az how da pries guy goin make her come pono wit me one mo time, an den she can come in front me.”

Prieses 14:10

“Day numba eight he gotta bring two boy kine bebe sheep, an one girl kine bebe sheep, dat ony stay one year ol, an no mo notting wrong wit um. He gotta bring six quart fancy kine wheat flour, mix wit olive oil, fo make one sacrifice wit wheat, an bout one pint olive oil.

Prieses 14:22

an two doves o two young pigeons, wateva he can buy, one fo da sacrifice cuz a da bad tings he wen do, an da odda fo da burn up kine sacrifice.

Prieses 27:8

If anybody dat stay make one strong kine promise, but dey ony get litto bit fo pay, den dey goin bring da one dey promise fo give to God in front da pries guy. Da pries guy goin figga how plenny da guy gotta pay, from wat he get fo pay.

Prieses 5:11

“But if da guy no mo notting fo buy da two doves o two young pigeon, he gotta bring two quart a da bestes kine flour fo make one sacrifice cuz a da bad kine ting he wen do. He no can put olive oil o incense on top um, cuz dis fo make one sacrifice cuz a da bad ting he wen do.

Prieses 5:7

“Maybe da guy get da blame fo do one bad ting, but he no mo notting fo buy one bebe sheep o goat. Den he gotta bring two doves o two young pigeons in front Da One In Charge, fo make um right, one fo da sacrifice cuz a da blame, an da odda fo da kine sacrifice dey burn up.

Luke 6:20

Jesus look da guys he stay teach an tell, “You guys dat stay pooa now, You can stay good inside Cuz God, he yoa King!

2 Corint 8:12

If you guys like kokua dem, wateva you give, az good. But give wat you can, not wat you no can.

2 Corint 8:9

You guys know dat Da One In Charge a us guys, Jesus Christ, wen do plenny good tings fo you guys. Befo time he was rich, but he wen come pooa fo help you guys fo come rich.

1 Samuel 2:8

Da One In Charge lif up outa da dirt an da ashes Dose peopo dat no mo notting, He let um sit wit all da alii guys. He give dem da right fo sit on top da thrones, An odda peopo goin show dem respeck. “Dass cuz Da One In Charge own All da deep places undaneat da world, An he put da world on top um.