Prieses 13:45 - Hawaii Pidgin Bible

⁴⁵ “Anybody get dat kine sick odda guys can catch, dey gotta rip da clotheses dey wear fo show dey stay sad inside, an no comb dea hair. Dey gotta cova up da bottom part a dea face, an yell to erybody, ‘No come nea! No come nea! I no stay pono fo go in front Da One In Charge!’

Prieses 13:45 ပူးပေါင်းရင်းမြစ်များ

Start 37:29

Laytas, Reuben come back an go by da big hole, an you know wat? No mo Joseph inside dea! Reuben come plenny sore inside. He rip his clotheses fo show he stay hurt inside.

2 Samuel 13:19

Tamar put ash on top her head, an rip da fancy kine clotheses she wear. She put her hands on top her head fo show dat she stay sad inside, an she go way yelling real loud fo help.

2 Kings 7:3

Da same time, had four guys wit da kine sick all ova da skin dat odda guys can catch. Dey stay outside da gate fo go inside Samaria town. Dey tell, “Eh! No good, we stay hea till we mahke!

Job 1:20

Wen Job hear dat, right den an dea he stan up an rip his clotheses an shave his head fo show he stay sad inside. Den he go down an put his face on top da groun.

Job 42:6

Az why now I pau poin finga you! I goin change my attitude! An fo show I sorry, I stay sit in da dirt an ashes.”

Songs 51:3

I know fo shua I wen go agains you, Ova an ova, I tink plenny Bout da bad ting I wen do.

Songs 51:5

Fo shua, from da time I born, I stay do da wrong kine stuff, Even from da time my muddah Was hapai wit me, Dass how I stay.

Isaiah 52:11

Get away! Get away! Get outa Babylon! No touch notting dat not spesho fo Da One In Charge! Get outa dea! Make shua you clean fo go inside da Temple fo pray! Dass cuz you guys stay carry da tings fo Da One In Charge Dat go inside da Temple.

Isaiah 6:5

Den I wen yell, “Bummahs! I stay wipe out awready! Da way I stay talk, An da way da peopo I stay wit stay talk, No way us can come in front God! But still yet, I wen see Da One In Charge, da King, Da God Ova All Da Armies.”

Isaiah 64:6

All us guys wen come Jalike somebody dat do pilau kine stuff An no can come in front you, Da One In Charge, cuz a dat. All da tings we do fo show we stay do da right ting, Jalike pilau an dirty kine rags. We all lose fight, jalike one dry up leaf. An da bad kine stuff we do, wipe us out Jalike wen da wind blow away da leaf.

Jeremiah 3:25

Us no goin show face cuz we get plenny shame. Us goin come bum out cuz no mo nobody get respeck fo us! Us an oua ancesta guys, all us wen do bad kine stuff Agains oua God, dass Da One In Charge a us. We do all dat from small kid time till now. We neva lissen wat oua God, dass Da One In Charge a us, tell us!’ ”

Jeremiah 36:24

Wen da king an all his helpa guys hear wat da book tell, dey no come sked. Dey no even rip dea clotheses fo show dey stay bum out.

Sad Song 4:15

Da peopo yell at dem, “Go way! You pilau! Go way! No touch us!” Wen dey run away an go stagga all ova da odda lands, Da peopo ova dea tell, “Dey no can stay hea no moa!”

Ezekiel 24:17

Moan inside, but no show you sore inside. Wea yoa regula kine turban an no go aroun barefeet fo show you stay sad inside. No cova up yoa beard, o eat funeral kine food.”

Ezekiel 24:22

An you guys goin make how me Ezekiel wen make. No cova up yoa beard, o eat funeral kine food.

Joel 2:13

Change how you feel inside, An no jus rip yoa clotheses Fo show you stay sad inside! Go come back to yoa God, Da One In Charge, Cuz he like do good kine tings fo you guys. He get love an pity fo you guys. He no come huhu real quick. He like stay tight wit you guys. He stay sad inside wen he gotta punish somebody.

Prieses 10:6

Den Moses tell Aaron an his odda boys, Eleazar an Itamar, “You pries guys, no do notting fo show dat you guys stay feel sore inside. No jam up yoa hair, an no rip yoa clotheses. Cuz if you make jalike you sore inside, you goin mahke, an Da One In Charge goin come huhu wit all da peopo. But yoa ohana an all da odda Israel peopo, okay fo dem cry fo da guys dat Da One In Charge wipe out wit da fire.

Prieses 13:44

den fo shua da guy get da kine sick odda guys can catch, an no can come in front me, Da One In Charge, cuz he no stay pono. Da pries guy goin tell erybody dat he no can come in front me, cuz a da sore on top his head.

Prieses 21:10

“Da Main Pries Guy, da one dat goin get da olive oil on top his head fo show dat I wen pick him. He get da right fo wear da pries kine clotheses. He no can let his hair come hamajang, o rip his clotheses, wen somebody mahke.

Micah 3:7

“Da guys dat tell dey see wat odda peopo no can see, Goin come shame. An da guys dat tell wat goin happen, Dey all goin lose face, Cuz God no tell dem notting dey aks um about.”

Census 5:2

“Tell da Israel peopo wat dey gotta do. Tell um fo stay outside da camp anybody dat get one sick on top da skin dat can spread to odda peopo, o dat get someting come outa dea bodies, o dat no can go in front me cuz dey go nea some mahke guy.

Luke 17:12

He go inside one small town, an ten lepa guys come by him. Dey stan far away

Luke 5:8

Wen Simon Peter see how plenny fish dey get, he go down on his knees in front Jesus an tell, “Eh, Boss, go way from me, cuz I one guy dat stay do bad kine stuff!”