Prieses 10:9 - Hawaii Pidgin Bible

⁹ “You an yoa boys no can drink wine o beer kine stuff weneva you guys go inside da Tent Wea Da Peopo Come Fo Meet Me, Da One In Charge, o you goin mahke. Wat I tell you guys now, az how goin be fo da peopo dat stay alive now an fo dea kids foeva.

Prieses 10:9 ပူးပေါင်းရင်းမြစ်များ

Outa Egypt 27:21

Aaron an his boys, dey get da job fo make ready da lamps inside da Tent Wea I Come Togedda Wit You Guys, outside da curtain dat hide da Box Fo No Foget Da Deal Wit God. Dey gotta put da lamps in front Da One In Charge wen da sun go down, an dey gotta pio um wen da sun go up. Dis one kuleana dey goin get foeva dat come from da Israel peopo.”

Smart Guys 20:1

You drink too much wine, You goin come da kine guy Dat no mo respeck fo nobody Cuz you tink you so smart. You drink too much beer, You goin make plenny noise. Anybody let da booze make um go da wrong way, Dey not da kine peopo dat know wat dey stay do.

Isaiah 28:7

But nowdays, even dose guys Fall down cuz dey drink too much wine An no can walk good cuz a da beer! Even da pries guys an da guys dat talk fo God, Dey fall down cuz a da beer An no can figga right cuz a da wine. Wen God like show um someting jalike one dream, Dey no undastan um an dey tell um az wrong Wen dey gotta judge wass right an wass wrong, Dey no can do um, cuz dey stay jam up.

Ezekiel 44:21

Da pries guys betta not drink wine befo dey go inside da inside open lanai.

Hosea 4:11

wit odda gods. “Dey drink da ol wine an da new wine. Az why my peopo no undastan notting. My peopo aks da idol kine gods dey make from wood Bout wass good fo dem do! Dey tink one stick can tell um Wat goin happen bumbye! Inside, dey ony like fool aroun wit odda gods. Dat make um no lissen me, dea God fo real kine.

Prieses 10:8

Den Da One In Charge tell Aaron,

Prieses 3:17

“Dis one ting you guys gotta do foeva, you an all da peopo dat goin come from you guys, no matta wea you guys stay: No eat da fat o da blood.”

Census 6:20

Den da pries guy goin lif up all dat in front me Da One In Charge. Dat stay spesho fo God an fo da pries guy, da ches meat an da thigh meat da Nazir guy give to God. An afta da Nazir guy do all dat, he can drink wine.

Census 6:3

Dat mean, dey no can drink wine o beer, o vinega dey make from wine o beer. Dey no can even drink grape juice o eat grape o raisin.

Luke 1:15

John goin be one importan guy, da way Da One In Charge see um. He not goin drink wine o odda kine booze. Da Good An Spesho Spirit goin take charge a him befo he born.

Efesus 5:18

No get piloot cuz den you goin go wild an make shame. But let God Spirit take charge a you.

1 Timoty 3:3

He no get piloot. He no like beef wit odda guys, but he know how fo make nice to peopo. He no like make argue wit nobody. He no love money.

1 Timoty 3:8

Da helpa guys fo da church, same ting. Dey gotta be solid kine peopo fo da odda peopo get respeck fo dem, an dey gotta mean wat dey tell. Dey betta not drink plenny an do shame kine stuff cuz dey greedy.

1 Timoty 5:23

Eh, no drink ony watta, wen yoa stomach no stay feel good an you come sick plenny times. Drink litto bit wine fo help um.

Titus 1:7

Da main leada guy, he suppose to be one guy nobody can poin finga him cuz he erytime do wass good. He betta not live jalike da kine guys dat get hard head an no lissen da odda guy. Dose guys, dey get mad fas, dey drink too much, dey like beef erytime, dey no shame fo do any kine fo make money.