Prieses 1:5 - Hawaii Pidgin Bible

⁵ Da guy goin kill da bull in front me, Da One In Charge. Den Aaron boys, da pries guys, goin bring da blood from da bull, an sprinkle um on top all da sides a da altar, by da place wea you go inside da open lanai fo da Tent Wea Da Peopo Come Fo Meet Me.

Prieses 1:5 ပူးပေါင်းရင်းမြစ်များ

2 Records 35:11

Da Levi guys kill da Passova bebe sheeps. Da pries guys sprinkle da blood dat da Levi guys pass to um. Den da Levi guys take da skin from da animals.

Outa Egypt 29:11

Kill da bull in front me, Da One In Charge, right dea wea you go inside da Tent Wea You Come Togedda Wit Me.

Outa Egypt 29:16

Kill da sheep, an sprinkle da blood all aroun da altar.

Outa Egypt 40:6

“In front da Tent Fo Come Togedda Wit Me, put da big altar fo burn up da sacrifices inside da middo a da open lanai nea da place wea da pries guys come inside.

Isaiah 52:15

He goin shock erybody in plenny countries Cuz a da way he look. Cuz a dat, even da king guys Goin stay futless An no can say notting. Dey goin see stuff dat nobody tell um bout. Dey goin start fo undastan stuff dey neva hear bout.”

Ezekiel 36:25

“Jalike I goin splash clean watta on top you guys an you guys goin come real clean inside. I goin make you guys come real clean from all da pilau kine stuff you guys wen do an from yoa idol kine gods.

Ezekiel 43:18

Den da bronze looking guy tell, “Eh! Fo Real Kine Guy! Dis wat Da One In Charge, da Boss, tell: Afta dey build da altar, dese goin be da rules fo make da burn up kine sacrifice, an fo throw da blood on top da altar:

Prieses 1:11

Da guy goin kill da animal by da north side a da altar in front me, Da One In Charge. An Aaron boys, da pries guys, goin sprinkle da blood on top all da sides a da altar.

Prieses 1:15

Da pries guy goin bring da bird by da altar, an pull off da head. He goin take out da neck part an pull out da feathers on top um, an throw um down by da east side a da altar wea dey put da ashes. He goin pull da bird open by da wings, but not pull um all da way off. Den he goin burn up da bird on top da altar. Da blood goin run off da side a da altar.

Prieses 16:15

“Den da pries guy goin kill da goat fo make da sacrifice fo da bad kine stuff da peopo wen do. He goin take da blood behind da curtain, an make da same ting jalike he do wit da bull blood. He goin sprinkle um on top da front a da cova fo da Box Fo No Foget Da Deal, fo make da peopo come pono one mo time wit me, Da One In Charge, an den sprinkle um in front da Box.

Prieses 17:11

Az cuz da blood, dass wea da life stay inside one animal o one guy. I give you guys da blood fo you guys come pono wit me one mo time wen you make sacrifice on top da altar. Az da blood dat make you guys come pono wit me.

Prieses 3:13

He goin put his hand on top da goat head, den kill um in front da Tent Wea Da Peopo Come Fo Meet Me. Den da pries guys, Aaron boys, goin sprinkle da blood on top all da sides a da altar.

Prieses 3:2

He goin put up his hand on top da head a da sacrifice animal, den kill um outside da place wea you go inside da open lanai fo da Tent wea da peopo meet me, Da One In Charge. Den Aaron boys, da pries guys, goin sprinkle da blood on top all da sides a da altar.

Prieses 3:8

Da guy dat bring da sacrifice goin put his hand on top da head a da sacrifice animal, den kill um in front da Tent Wea Da Peopo Meet Me. Den Aaron boys goin sprinkle da blood on top all da sides a da altar.

Prieses 4:29

He gotta put his hand on top da head a da animal fo da sacrifice cuz he wen do da bad ting, an kill um by da place wea dey make da burn up kine sacrifice.

Prieses 4:33

He goin put his hand on top da head a da sacrifice animal, an kill um fo make one sacrifice cuz a da bad ting he wen do, by da same place wea dey kill da animals fo make da burn up kine sacrifices.

Prieses 4:7

An da pries guy goin put some blood on top da tings jalike horns dat stick outa da altar. Dass da small altar fo incense dat smell nice. Da ting stay in front me, Da One In Charge, inside da Tent Wea Da Peopo Come Fo Meet Me. All da lef ova blood, he goin pour um outside, down by da bottom a da big altar wea dey burn up da sacrifices, by da door fo da Tent Wea Da Peopo Come Fo Meet Me.

Micah 6:6

Den da peopo tell: “Fo make tings right, Wat I can bring fo Da One In Charge Wen I go in front him? Wen I go down fo show respeck Fo da God Up Dea Inside Da Sky? I goin bring bebe cows one year ol, Fo make burn up kine sacrifice, o wat?

Census 18:17

“But you no can buy back da firs boy kine animal dat born from one cow o sheep o goat. Dey stay spesho ony fo me. Sprinkle dea blood all ova on top da altar, an burn dea fat. Az one sacrifice you make wit fire, az one nice smell fo me, Da One In Charge.

Hebrews 10:11

An anodda ting, ery day all da pries guys do dea work fo God. Ova an ova dey make da same kine sacrifices. But you know, dose sacrifices no can get throw out da bad kine stuff, eva.

Hebrews 12:24

An you guys come togedda wit Jesus too. He da middo man fo da New Deal God make. Was jalike wen Jesus bleed an mahke fo make solid da promise fo da New Deal. An dat deal, mo betta den how was befo time wen da guy Abel wen bleed an mahke.

1 Peter 1:2

God da Faddah wen pick you guys fo be his guys cuz he know you guys long time befo you was born. God Spirit wen make you guys spesho fo him fo you do eryting Jesus Christ tell you fo do. Jesus wen mahke fo you guys! Wen you guys do eryting Jesus tell you fo do, dass good. Dass jalike God sprinkle Jesus blood on top you guys fo show dat you stay spesho fo him. I like God do plenny good tings fo you guys an help you guys so notting bodda you.

1 Samuel 1:25

Afta dey kill da bull fo make one sacrifice fo Da One In Charge, dey take da boy by da Main Pries Eli.