Philippi 4:9 - Hawaii Pidgin Bible

⁹ Eryting you guys wen learn from me, eryting I wen give you guys, eryting you wen see an hear wen I was wit you guys—go do um! Den, da God dat can make you guys so notting bodda you, he goin stay wit you guys.

Philippi 4:9 ပူးပေါင်းရင်းမြစ်များ

Isaiah 41:10

So no sked, Cuz you guys da one I stay wit. No come bum out, Cuz I yoa God. I make you guys come strong inside. Mo den dat, I help you guys. I no let you guys fall down! Az cuz I get plenny powa Fo do da right ting fo you guys.

Isaiah 8:10

You goin talk an make plan, But dat no goin happen, cuz you no can do um. You talk bout wat fo do, But no goin happen lidat, Cuz God stay wit us. Dass wat ‘Immanuel’ mean!”

Matthew 1:23

“Lissen up! One young wahine Who neva sleep wit nobody, Goin get hapai. She goin born one boy. Dey goin name him Emmanuel.” (“Emmanuel” mean, “God stay hea now wit us guys.”)

Matthew 28:20

Teach um how fo do eryting I wen tell you guys fo do. An you know wat? I goin stay tight wit you guys ery day, till da world come pau.”

Matthew 7:21

“Goin get peopo dat stay tell me, ‘Eh Boss! Boss!’ But not all a dem goin get God in da sky fo dea King. Ony da peopo dat do wat my Faddah in da sky like, dey goin get him fo dea King.

Luke 6:46

“How come you guys call me ‘Boss, Boss,’ but you no do wat I tell you fo do?

Luke 8:21

Jesus tell da guy, “My muddah an my braddahs, aah? Da peopo dat hear wat God tell an do um, dey da ones az my muddah an braddahs fo real kine.”

John 13:17

You guys know all dis stuffs. So, if you guys do um, you guys goin stay good inside.

John 15:14

You guys stay my frenz, if you guys do da stuff I stay tell you guys fo do.

John 2:5

Den his muddah tell da worka guys, “Wateva my boy tell you guys fo do, go do um!”

Jesus Guys 9:6

Now stan up an go inside da town, an somebody goin tell you wat you gotta do.”

Rome 15:33

God, he da kine god dat make you guys come so notting bodda you. I like him stay real tight wit all you guys. Dass it!

Rome 16:20

God, he da One dat like make us come so notting bodda us. He da One dat goin wipe out da powa Satan get. Pretty soon dat goin happen. I like fo Jesus, Da One In Charge, do plenny good kine stuff fo you guys.

1 Corint 10:31

Eryting you guys do, eat, drink, wateva—do um all fo show how awesome God stay.

1 Corint 14:33

Cuz God, he no jam up nobody. He make um so no mo notting bodda dem inside. All ova da place, wea evas da peopo dat stay spesho fo God come togedda fo church, get dis custom:

1 Corint 4:16

So I beg you guys fo make jalike me.

2 Corint 13:11

Aloha, my braddahs an sistahs. Do eryting right. Lissen wat I tell. Tink da same way wit each odda. Be good to each odda. God get plenny love an aloha fo you guys. He goin stay wit you guys all da time an help you guys stay good wit each odda.

Rules Secon Time 5:1

Moses tell all da Israel peopo fo come by him. He tell um: “Lissen, you Israel peopo. I goin tell wat God tell you guys suppose to do, an his rules fo you guys fo hear today. Learn um, an make shua you guys do um.

Philippi 3:17

Eh, my braddahs an sistahs! Help each odda ack how I ack. Get odda guys dat do jalike I do. Make jalike dem guys too. You guys get all us guys fo copy fo you guys do jalike us do.

Philippi 4:7

Den, God goin make you guys come so notting bodda you. Dat goin be mo betta den anybody can figga. God goin take kea you, how you feel an how you tink, cuz you guys stay tight wit his Spesho Guy Jesus Christ.

1 Tessalonika 1:6

An you guys wen start fo copy how us guys ack, an how Da One In Charge ack. You guys wen trus da tings we wen tell you guys. An no matta you guys stay suffa plenny, da Good An Spesho Spirit wen help you guys stay good inside.

1 Tessalonika 2:14

Eh, my braddahs an sistahs! Same ting wen happen to you guys, jalike wen happen to da church peopo all ova Judea. Dey da peopo dat come togedda fo God ova dea, an dat stay tight wit God Spesho Guy Jesus. Da way yoa peopo wen make you guys suffa, dass jalike da Jew guys wen make oua braddahs an sistahs inside Judea suffa.

1 Tessalonika 5:23

Kay den, God, he make us guys come so notting bodda us. I like God make you guys come good an spesho fo him; an make you guys stay clean inside—spirit, heart, body, eryting! Den nobody can poin finga you, from now till Da One In Charge a us guys, Jesus Christ, come back.

2 Tessalonika 3:4

Us guys stay trus Da One In Charge, an we stay tight wit him. Az why we no need worry bout you guys. We know you guys stay doing all da tings we wen tell you fo do, an you goin do um.

2 Timoty 4:22

I like Da One In Charge stay tight wit eryting inside you. An I like him fo do plenny good kine stuffs fo all you guys!

James 1:22

An no ony lissen da tings God tell. You guys gotta do um! Cuz if you ony lissen an no do notting, you ony stay bulai you.

2 Peter 1:10

So den, my braddahs an sistahs, go all out mo den befo time fo show dat God wen pick you guys. He wen tell you fo come be his guys, an you guys wen do um. Now, make shua you guys live lidat. Den you guys no goin come all jam up, eva.

1 John 3:22

An we get from God wateva we tell him fo do fo us, cuz us do wat he tell us fo do. We do wat he like.