Philippi 4:4 - Hawaii Pidgin Bible

⁴ Kay den. You guys stay tight wit Da One In Charge. Cuz a dat, stay good inside erytime, no matta wat happen! I like tell dis one mo time: Eh! Stay good inside!

Philippi 4:4 ပူးပေါင်းရင်းမြစ်များ

Songs 146:2

All da time I stay alive, I goin tell good tings Bout Da One In Charge. Till I mahke, I goin sing songs Bout my God, Fo tell um how good he stay.

Songs 33:1

Eh! All you guys dat get um right Cuz you stay tight Wit Da One In Charge, Go yell Cuz you guys feel good inside! Az good wen you peopo Dat stay do da right ting Tell how awesome him!

Habakkuk 3:18

Still yet I goin stay good inside Cuz a Da One In Charge. I goin dance an sing Cuz God, he da One Get me outa trouble!

Matthew 5:12

Dance an sing, cuz bumbye God goin get plenny good kine stuff fo give you guys from wea he stay inside da sky. Eh, jalike befo time, da guys God wen sen fo talk fo him long time befo time, had peopo dat make dem suffa too.”

Jesus Guys 16:25

Midnite, Paul an Silas stay pray an sing songs fo God. Da odda prisona guys inside da jail lissen dem.

Jesus Guys 5:41

Jesus guys go way from da main leada guys. An dey stay real good inside cuz God figga dey stay good enuff fo suffa an come shame cuz dey Jesus guys.

Rome 12:12

Stay good inside to da max, cuz you know wat God goin do fo you bumbye. Hang in dea wen you get any kine hard time. An make shua you pray all da time.

2 Corint 6:10

We stay sad inside, but same time we erytime stay good inside. We no mo money, but den, us stay make plenny peopo rich inside. Jalike we no mo notting, but we still yet get eryting.

Galatia 1:8

Lissen up! God goin punish da ones dat teach someting diffren den da Good Kine Stuff From God. Can be even one a us guys o one angel guy from da sky tell you guys odda kine stuff den wat we wen teach you guys befo time. An God goin punish all dose guys foeva.

Philippi 2:18

An same ting wit you guys. You guys goin feel good bout wat stay happen to me jalike I goin feel good bout um.

Philippi 3:1

Kay den, my braddahs an sistahs. Stay good inside cuz you guys stay tight wit Da One In Charge! Da kine stuff I stay tell you guys inside dis letta, dass fo help you guys fo stay outa trouble, an dat no bodda me fo tell you guys dat one mo time.

1 Peter 4:13

But you stay good inside cuz you suffa togedda wit Christ. Den bumbye you goin come plenny good inside wen erybody see how awesome Christ stay.