Philippi 4:12 - Hawaii Pidgin Bible

¹² I know how fo live wit almos notting, an I know how fo live wit plenny. All dat stuff wen happen to me. I wen learn da secret how fo handle all kine stuff erytime. No matta I get plenny fo eat, o I hungry. No matta I get plenny odda kine stuffs, o I no moa.

Philippi 4:12 ပူးပေါင်းရင်းမြစ်များ

Nehemiah 9:20

You sen yoa Good Spirit fo teach dem. You neva hold back da manna bread Dat come from you fo dem eat. You give um watta wen dey thirsty.

Isaiah 8:11

Wen he take my hand fo make me strong, dis da ting Da One In Charge tell me. He tell me fo watch out an no go da same way dose peopo go.

Jeremiah 31:19

Afta us guys wen go da wrong way, us come real sorry. Afta you show wat kine guys us, us slap oua head. Us get plenny shame an peopo no mo respeck fo us, Cuz from small kid time, us do bad kine stuff, an peopo talk bad bout us.’ ”

Matthew 11:29

Jalike da cows get yoke on top dem fo pull dea load, you guys put my yoke on top you. Learn fo do wat I stay teach you. I stay gentle kine an I like take kea odda peopo befo I take kea me, fo notting bodda you guys.

Matthew 13:52

Jesus tell um, “All da teacha guys dat teach da Rules From God, an den go learn how dey can get God inside da sky fo dea King, dey jalike one rich guy dat bring out from his place new kine stuff an ol kine stuff too.”

2 Corint 10:1

Dis yoa braddah Paul stay talking. You guys tink I shame fo talk strait wen I stay wit you guys? But I no shame fo talk strait wen I stay one far place. Eh, I stay tell you guys fo lissen me, cuz Christ get one good heart fo you guys, an he give you guys chance.

2 Corint 10:10

Some guys tell, “Da lettas from dis Paul guy, dey hard fo handle an dey get plenny powa fo change stuff. But wen he stay ova hea, he notting, an wat he tell, good fo notting.”

2 Corint 11:27

I get hard time, an I wen bus ass. Plenny times I no can sleep nite time. I get hungry an thirsty, an had plenny times I no mo notting fo eat. I neva have clotheses, an I wen stay real cold.

2 Corint 11:7

I neva tell you guys fo pay me wen I wen teach you guys da Good Stuff From God. I wen come notting fo me make you guys look good. You guys figga dass wrong fo me fo do, o wat?

2 Corint 11:9

Wen I wen stay wit you guys an I need someting, I neva bodda you guys fo go aks fo someting. Da Macedonia braddahs wen come an kokua me. But erytime I neva bodda you guys notting, an I no goin bodda you guys eva.

Rules Secon Time 32:10

Da One In Charge wen find da Israel peopo inside da dry boonies, One place wea no mo notting Ony get wild animals stay making big noise. But Da One In Charge stay all aroun da Israel peopo so notting hurt dem. An he take kea dem. He make shua notting hurt dem, Jalike erybody make shua nobody hurt dea eye.